acambitài , vrb Definizione andhare a passu istirau, lestru, camminare impresse Sinonimi e contrari iscambaritare, iscoscitare, scambitai Frasi acambita ca ti acambitu fiat arribbau a Gonnoscodina ◊ setzint a gropas e acambitant, allirgus che pasca ◊ si poniant a lestu un'isciallu acapiau in conca e fuiant acambitendi conca a sa crésia ◊ tui ti nci essis e acambitas: si no, ti tocu de puntada de pei! Etimo srd. Traduzioni Francese gigoter Inglese to kick about Spagnolo zanquear, andar deprisa Italiano sgambettare Tedesco ausschreiten, trippeln.

acumbuài , vrb: acumburai, acumerare, cumerare* Definizione si narat de is animales candho cràchidant artzandho ambos cúmburos impare, giare cumeradas, mescamente candho s'animale no bolet andhare (in cobertantza, si narat fintzes de gente chi cadredhat); pònnere is cúmburos in terra a cicire Sinonimi e contrari acromai, arrebedhai, calchedhare, carcinai, screnciai / arrampedhai, arrebbellai / sècere Frasi su burricu est acumbuendi ca non boit a dhu tocai 2. ita ses fadendi, ti ponis a acumburai?! (D.Maccioni)◊ si ndi est andara acumbuendi parèt un’ègua in domas, ma ge dha passat! 3. las aiat atzapatas una ritza e s'àtera acumerata in terra ◊ a su fitzu l'aiat bistu, a s'ingrenucata comente fit, acumerànnesi supra sos carcantzos Traduzioni Francese regimber, ruer Inglese to kick (out) Spagnolo cocear Italiano ricalcitrare Tedesco ausschlagen.

cadagulàre , vrb Definizione giare craches Sinonimi e contrari calchidare, carcinai Traduzioni Francese ruer Inglese to kick (out) Spagnolo patalear (persona), patear, cocear (animale) Italiano scalciare Tedesco ausschlagen.

calchedhàre , vrb: carchedhare, crachedhare Definizione tirare craches, mòvere a cropu is cambas, pistare is peis a terra coment'e protesta Sinonimi e contrari acromai, acumbuai, arrampedhai, arrebbellai, arrebedhai, calchidare, callidare, carcinai, iscumbarare, screnciai Frasi est carchedhendhe che un'ambidha ◊ como chi ti apo in manu so cuntentu, o ti altzes o ti fales o carchedhes! Etimo srd. Traduzioni Francese regimber Inglese to kick (out) Spagnolo recalcitrar, cocear Italiano ricalcitrare Tedesco ausschlagen.

calchidàre , vrb: carchidare, carchitare, caschidare 1, crachidare Definizione giare craches, pigare a craches Sinonimi e contrari acalciare, acromai, acumbuai, arrampedhai, arrebbellai, calchedhare, calchizare, callidare, carcinai, iscumbarare, screnciai Frasi s'àinu a bortas càrchidat puru ◊ peri su poledhu càrchidat e órriat ◊ podera bene su pè de s'àinu po lu ferrare: mih chi cràchidat! 2. che cadhos si fuint repellados, alburados e postos a crachidare Etimo ltn. calcitrare Traduzioni Francese ruer Inglese to kick Spagnolo cocear, recalcitrar Italiano scalciare, ricalcitrare Tedesco ausschlagen.

calchizàre , vrb Definizione giare craches, pigare a craches Sinonimi e contrari acumbuai, arrampedhai, arrebbellai, calchedhare, calchidare, carcinai, screnciai Etimo srd. Traduzioni Francese donner des coups de pied, ruer Inglese to kick Spagnolo cocear Italiano scalciare Tedesco ausschlagen.

carcinài , vrb: acarcinai, carcinari, cracinai, cranciai, crancinai Definizione giare craches, pigare a craches; fàere cun tzacu, a dispetu, sa cosa chi unu no bolet Sinonimi e contrari acromai, acumbuai, arrampedhai, arrebbellai, calchedhare, calchidare, incumerare, screnciai / cadredhai Frasi su molenti at apuntau is peis e at carcinau ◊ bandant a sartai e a cranciai, ca funt cumenti a mobentis in s'arxoba! ◊ ti arregordas candu dh'iat cranciau su cuadhu? ◊ su muenti cràcinat a peis paris 2. a mamma dha fatzu carcinai ma no mi coju cun d-unu béciu! Etimo srd. Traduzioni Francese donner des coups de pied Inglese to kick (out) Spagnolo cocear Italiano scalciare Tedesco ausschlagen.

scambitài , vrb Definizione nau mescamente de pipios, mòvere is cambas, istare a su move move cun is cambas Sinonimi e contrari acambitai, iscambaritare, sciampitai Etimo srd. Traduzioni Francese gigoter Inglese to kick about Spagnolo patalear Italiano sgambettare Tedesco strampeln.

«« Cerca di nuovo