ibentulài, ibentullàe , vrb: irbentugliai, irbentulare, irbentuliare, irventallai, irventulare, irventulliare, isbentulai, isbentulare, sbentuai Definitzione pigare bentu, tzantzigare o èssere tzantzigau po su bentu, fàere bentu (mòvere che ventàgliu, a iscutuladura) Sinònimos e contràrios bolatzai, scentalliai / abentuai, afantallai, arrostai, imbentulare / iscutulare Frases za irbentúliant, andhendhe in moto, cussos! ◊ za irbentúlias, oe, subra de sa cabertura cun custu bentu! ◊ si pesat custu bentu e comintzat a irbentuliare àrbules e prantones!… 2. intendhendho púligi e preugu is féminas si ndi pesant acamba irventallandu sa fardeta Ètimu srd. Tradutziones Frantzesu éventer Ingresu to flutter Ispagnolu orear, abanicarse Italianu sventolare Tedescu schwenken.

«« Torra a chircare