derétu 2 , nm Definitzione parte de ue ccn. cosa benit, o a ue andhat Sinònimos e contràrios bandha, filada / tretu Frases cussu connoschet su deretu de sos bentos ◊ babbu si setziat de fronte a su fogu in sa tziminea sempre in su matessi deretu, ca cussu fit su postu sou Tradutziones Frantzesu direction Ingresu direction Ispagnolu dirección Italianu direzióne Tedescu Richtung.

filàda , nf: firara Definitzione bandha a ue si andhat o si bolet andhare o afilare, fintzes su camminu chi si faet andhandho a una bandha; su logu ue paschet o andhat a pàschere su bestiàmene, nau fintzes in su sensu de propiedade, possessu Sinònimos e contràrios ala, bandha, deretada, infilada, leada Maneras de nàrrere csn: pigai f. = leare una filada, essire a carchi bandha; àere filada = impreu, faina, propósitu; bona filada = printzípios bonos Frases andhamus chentza ischire a cale filada semus andhendhe! ◊ acabbau de múgiri nc'iscapat is pegos in sa filada de sa pastura ◊ isperat de lu zoviare ca est in cussa filada ◊ is abis bandant a circai totus a sa própiu filada ◊ si colas in sa filada, faghe pregontu ◊ s'intendhiat su ferru de unu tazu in filada ◊ ite filada ti leas: istúdias o imparas un'arte? 2. intrau a trabballai, su meri a su pastori dhi at fatu biri totu is firaras, ma dh'at avértiu de no intrai a su cungiau ◊ a cust'ora is brebeis ant pigau filada Ètimu srd. Tradutziones Frantzesu direction Ingresu direction Ispagnolu dirección Italianu direzióne, rótta Tedescu Richtung.

indirígiu, indiríssiu, indiríssu , nm: (in-di-rí-giu) indiritzu Definitzione indítziu precisu, prus che àteru de ue unu istat o si agatat / i. grogu = sa maladia de chie est istriau, candho su fele si ndhe andat in su sàmbene e unu essit totu grogo Frases portat unu cuadernu in is manus po assentai nòmini e indiritzu de genti interessada a comporai ◊ at bófiu isciri númeru de telèfonu e peri s'indiritzu Tradutziones Frantzesu adresse Ingresu address Ispagnolu dirección Italianu indirizzo Tedescu Adresse.

istértzu 1 , nm Definitzione mecanísimu (leva) chi permitit a s'autista de una màchina de mòvere is orrodas e cambiare filada Tradutziones Frantzesu volant Ingresu steering wheel Ispagnolu dirección Italianu stèrzo Tedescu Lenkung.

subramànu , nm Definitzione indiritzu de chie est mandhandho sa lítera iscritu fora in sa busta (apalas, de àteru betu) Tradutziones Frantzesu adresse Ingresu inscription Ispagnolu sobrescrito, dirección Italianu soprascritta, mittènte Tedescu Anschrift.

«« Torra a chircare