Ditzionàriu in línia
de sa limba e de sa cultura sarda

cadrabudhài , vrb: cadrampoai, cadrebudhai, cadrapudhare, cardabbudhare, cradampulare Definition cúrrere, andhare a brínchidos, brinchidare a giogu, po alligria Synonyms e antonyms brinchillai, cadraminciare, ischeltiare, subesciare / cadredhai Translations French sautiller, s'ébattre English to hop Spanish brincar Italian saltellare, ruzzare German hüpfen, herumtollen.

chestiàre , vrb Synonyms e antonyms brugliare, ciogare, ischeltiare Translations French s'ébattre English to romp Spanish jugar Italian ruzzare German tollen.

ischeltiàre , vrb: ischertiare, ischertziare, ischestiare Definition istare currendho e brinchidandho, a giogu Synonyms e antonyms arrengai, brugliare, chestiare, giogai / cadrabudhai, subesciare Sentences fit abbaidènnesi sos anzonedhos ischeltienne ◊ in mesu a tie ischertiendhe ti coglia, fritu nie ◊ candho su batu no b'est sos sórighes ischértiant ◊ sas crabolas passant ischeltiendhe ◊ o poledhu, si ischéltias fàghelu a sa sola, no candho ti setzo deo! ◊ ischértiant zogandhe sos anzones, brincandhe in sas pedras Translations French s'ébattre English to romp Spanish retozar Italian ruzzare German tollen.

iscurrizàre , vrb Definition istare a su curre curre aifatu de calecuna cosa, de unu logu a s'àteru, fàere cúrrere a meda Synonyms e antonyms currellai, marradai Sentences sos pisedhos comintzant a iscurrizare de un'àrvure a s'àtera, allegros che cíciri ◊ una pudhedra che bentu iscurrizat peri sas tancas ◊ su cadhu est istracu ca l'ant iscurrizadu Etymon srd. Translations French galoper, s'ébattre English to gallop, to rove Spanish corretear Italian galoppare, scorrazzare German galoppieren, umherlaufen.