Ditzionàriu in línia
de sa limba e de sa cultura sarda

iltúpa , nf: istupa, stupa Definition su linu de filare, ma mescamente is filos prus curtzos de su linu, sa parte prus metzana / pònnere su fogu afaca a s’istupa = in cobertantza, pònnere acurtzu cosas perigulosas, cosa chi leat fogu deretu, pessone chi aprofitat de calicunu o de carchi cosa Synonyms e antonyms raigatzu Sentences bàtimi s'istupa e sa ruca, chi mi ponzo a filare! ◊ nendhe nendhe filàt sa betzighedha pubadas mannas de istupa ◊ sunt passanne su linu in puas po ndhe bogare s'istupa 2. a fidare a fizu meu solu cun fiza tua est a pònnere su fogu afaca a s'istupa! Etymon ltn. stuppa Translations French étoupe English tow Spanish estopa Italian stóppa German Werg.

raigàtza, raigàtzu , nf, nm Definition parte de su linu ogronau, s'istupa grussa, sa peus Synonyms e antonyms iltupa, raigone, ràjula Sentences cane mandrone de péssima intragna chi ti dat raigatza pro filare (G.Raga)◊ ses sa peus raigatza de bidha, fatu a fura e betadu in su giannile!◊ s'iscartu de su linu, sa raigatza, beniat tratada pro funes, trobeas e trastes de pagu valore Translations French étoupe English hards Spanish estopón Italian capécchio German Werg, Hede, Kuder.