Ditzionàriu in línia
de sa limba e de sa cultura sarda

caridàde, caridàdi , nf: caritate, carirari Definition amore, cumpassione po unu, praxere chi si dhi faet Idioms csn: fàghere sa caridade = dare carchi cosa, ma fintzas azudu a unu bisonzosu, fàghere unu piaghere mannu a un'apretadu; domandai sa c. = pedire sa limúsina Sentences faghídebbos sa caridade de unu poveritu: azuàdelu! ◊ sa mama l'at lassadu a sa caridade anzena ◊ Deus dhi paghit sa caridadi, gomai! ◊ fachítebbos sa caritate: un'atzichedhu de focu! ◊ fadei caridadis, fradis istimaus! ◊ sa carirari, sa meri! Etymon spn. Translations French charité, aumône English charity Spanish caridad Italian carità German Barmherzigkeit.

lemósina , nf: alemúsina*, lemúsina, limósina, limúsina, limússina Definition cosa, cosighedha, pagu o pentzada coment'e pagu, chi si giaet po làstima a is pedidores, a gente bisongiosa meda Synonyms e antonyms caridade, graza / piachere Sentences bi li vat a domo unu pedulianu a pedire sa limússina ◊ dare sa peta, su pane in crésia in lemósina pro un'ànima 2. so benzendhe si bos faghides sa limósina a mi batijare cussa criadura Translations French aumône English alms Spanish limosna Italian elemòsina German Almosen.