ciòba , nf: ciopa,
croba,
cropa,
gioba,
loa 1 Definition
su tanti de duos de sa matessi genia leaos paris coment'e una cosa solu / min. crobita, crobedha
Synonyms e antonyms
pàgia 1,
pariga
Idioms
csn:
sa croba, una croba = sos bitellos de fàghere a zú; una cropa de voes = unu giú; pitzinnos de cropa = frades cróbinos, copiolos; bogare in croba = fai de pruatza, segai is pértias chi no si depint lassai pudendi su sarmentu; fàghere a croba (nau de animalis chi ant angiau)= fai duus fedus
Sentences
sa crapa anzat a cropa e a bortas fachet tres fedos puru ◊ sas cumarcas costerinas veniant a binti e trinta ciopas a sa festa ◊ cropas de contràrios sunt "lisu" e "grispu", "fritu" e "caente", "modhe" e "tostu" (M.Pira)◊ bi at annadas chi medas berbeghes faghent a croba
Surnames and Proverbs
smb:
Croba, Crobedda
Etymon
ltn.
cop(u)la
Translations
French
couple
English
couple
Spanish
pareja
Italian
còppia
German
Paar.
giòba , nf: ciopa*,
loa 1 Definition
su tanti de duos de sa matessi cosa o calidade pigaos impare coment'e una cosa sola / una g. = una croba de boes
Synonyms e antonyms
pàgia 1,
pariga
Sentences
bido giobas fuendhe chentza fune ◊ bi at poete chi cheret su tenore gioba pro gioba de sos versos chi cantat ◊ ti che ses andhadu pro no fàghere gioba cun sos mengos
Translations
French
couple
English
couple
Spanish
pareja
Italian
còppia
German
Paar.
giú, giúa , nm: giubu,
giui,
giuo,
giuu,
giuvu,
zú Definition
loba de boes domaos (ma si narat fintzes giú de bacas) chi si giunghent impare po tirare su carru, s'arau o àteru / min. giuitedhu, giuxedhu, zuitu
Synonyms e antonyms
ciuntu
Idioms
csn:
arat a otu giús: is terras sunt allenas e is bòis non sunt suus = si narat a befe pro unu pazosu meda, chi istat bantèndhesi fintzas de su chi no tenet; èssiri a giú fatu (nadu de duos)= istare sempre paris, chentza iscrobare mai
Sentences
s'aradu tichirriaiat a donzi acollada forte de su giuo ◊ teniat unu giuu che vascellu ◊ oi est totu a màchina, no si domant mancu prus giús ◊ issu tenit unu bellu giua
Scientific Terminology
msg
Etymon
ltn.
jugum
Translations
French
couple de bœufs
English
yoke oxen
Spanish
yunta de bueyes
Italian
còppia di buoi
German
Ochsengespann.