iscàba , nf: iscala,
issala,
scaba Definition
genia de aparatu chi serbit po pesare e calare in pagu tretu, fatu a iscalinas o a travedhas (pedarzos) totu paríviles ue si ponet su pei; logu de monte o serra inue si podet passare de una bandha a s'àtera; sinnu de bestiàmene: in s'origa, una segada a L de mesania a punta, a denanti, o a desegus; ispartzidura de unu valore in partes oguales, paríviles, inditadas cun intacas (es. is chentu partes, o grados, de sa temperadura intremesu de su fritu chi faet cagiare s'abba e su calore chi dha faet budhire cun sa pressione a paris de su mare); su raportu chi serbit a inditare in is cartinas chi arrapresentant unu territóriu cantas bortas sa mannària de su logu dh'ant impiticada po dhu arrapresentare (es. 1:100 – de lígere unu a chentu – ue su 1 est su logu e 100 s'impiticamentu e po cussu sa misura 1 in su disegnu currespondhet a 100 bortas sa matessi misura in su logu, 1 millímetru in sa cartina = 100 millímetros in su logu)/ min. iscalita, iscalighedha (custu fintzes a isfrégiu o a disprétziu); genias de iscala: a caragolu, de linna, dópia, fraigada, a manu; partes de un'iscala: iscalina o travedha, su pè (parte chi comintzat de terra), conca (sa parte prus in artu), cossales (de i. a manu), is duos currentes inue intrant is travedhas; iscala musicale = su sonu segundhu s'artària ispartziu in sete 'grados' de su grae o bàsciu a su acutzu o pibidosu comente benit arrapresentau cun is notas in s'arriga musicale o pentagramma
Idioms
csn:
i. de fune = iscala de gatu; i. de fustes = iscala a manu a unu cossale o bighiciola cun traessas intradas de parte in parte; i. de carru = sa timona, truncu de preustinu nébidu, isperradu in duos (sas duas cambas) e muntesu abbertu in s'ala prus russa, est sa parte prus importante de sos carros a boes; Iscalaejoga = pigada a s'intrada de Tàtari totu a furriadas curtzas; i. de santu Zagu = sa ’ia de sa palla; èssiri chei su ciurpu chi at agatau un’iscala ’e carru = bídere una cosa chi…no bi at mancu bisonzu de zúghere ogros pro l’agatare, gai meda est ladina e manna
Sentences
pro lòmpere a cue bi cheret iscala ca est in artu meda ◊ ant postu iscabas po artziai a campanibi
4.
issu puru podit binci, ma est coment'e cudhu ciurpu chi at agatau un'iscala de carru!
Scientific Terminology
dmo, ans
Etymon
ltn.
scala
Translations
French
escalier,
échelle
English
stair
Spanish
escalera
Italian
scala
German
Treppe.
iscalèra , nf: scabera Definition
artzada, pesada totu a iscalinas, logu fatu totu a iscala manna
Synonyms e antonyms
iscalinada
Sentences
in is iscaleras fui artziau e calau no isciu cantu bortas ◊ giutu bos ant a domo de Pilatu e artziadu in baranta iscaleras
Etymon
spn.
escalera
Translations
French
escalier
English
stair
Spanish
escalinata
Italian
scalinata
German
Treppe.
scabèra , nf: iscalera*,
scaera,
scalera Definition
pesada totu a iscalinas, logu fatu totu a iscala manna, iscala etotu
Synonyms e antonyms
iscalinada
/
iscaba
Sentences
chen'e tui, comenti apu a fai a artziai sa scabera longa, cun sa valígia a codhu?! (I.Lecca)◊ tocat a nci artziari in d-una scalera de anca si bit sa bidha ◊ intendia passus in sa scalera de tàula
Translations
French
escalier,
gradins
English
flight of steps
Spanish
escalera
Italian
gradinata
German
Treppe.