aconcàtu, aconcàu , pps, agt Definition de aconcare; chi est cun sa conca incrubada, chi est conca a…; chi est a conca bàscia po pentzamentu, po annicu / èssiri, èssere aconcau a… = cun sa conca imbarada, imbassiada, arrumbada subra de… (pro sonnu, dólima e gai), o fintzas a ogros a terra (pro birgonza, dispiaghere, pessamentu), o bene frimmos in carchi idea, abbaidendhe a carchi cosa Synonyms e antonyms aconcalatu / aconcaditu, aconcadore, arriscadu, atriviu, conchedha, sconcau / orioladu, pispinnidu / decídiu, resinnadu, resolutu 2. aditzu aditzu ndi apu acudiu una frochitada de cussus macarronis: dh'apu agatau aconcau a is forredhus ingurtendi! (A.Garau)◊ fillu bonu, no abarris aconcau a is libbrus, ca ti fait mabi a s'istògumu! ◊ gei no at a bolli chi abarreus totu sa dí aconcaus a sa barraca?!◊ cussos sunt aconcaos a sa televisione! 3. oi mamma est aconcada, timendi ca dha depint operai ◊ babbu s'est aconcau a sa mesa e si at fatu unu surtidedhu ◊ no seu abarrau aconcau in bidha, ma ingiriendi po agatai sorti 4. bos chèglio aconcatos a custu ostinu: nudha bos devet irvortare! ◊ cusse est aconcatu a cambiare pulítica Translations French hasardé, irréfléchi English rash Spanish atolondrado Italian avventato German unbesonnen

acrabinàdu , pps, agt Definition de acrabinare; chi si movet o faet che un'irbariadu, chentza giare atentzione nudha (coment’e abbaidandho a crabas) Synonyms e antonyms abbundhoradu, assurviladu, foraldómine, incóglidu, indemoniadu, indiaulau, spiridau 2. tia chèrrere imperriare tentorzas acrabinadas… Scientific Terminology ntl Translations French hasardé, inconsidéré, irréfléchi English reckless Spanish atolondrado Italian avventato, spiritato German unbesonnen, besessen.

arriscàdu , pps, agt: arriscatu, arriscau Definition de arriscare; chi costumat a arriscare, chi andhat a logu de perígulu, a fàere cosa perigulosa, de pòdere tènnere dannu Synonyms e antonyms aconcaditu, aconcadore, aconcudu, arriscanti, atreviu, conchedha, sconcau, tastilau / cdh. scapicudhatu | ctr. timarosu, timigiolu 2. si ndi pesat unu, prus arriscau de is àterus, e partit ◊ fit zente corazosa e arriscada ◊ in mari cussa pipia est tropu arriscada: bandat a s'àcua arta! Scientific Terminology ntl Translations French hasardé, risqué English risky Spanish arriscado Italian azzardato, azzardóso, spericolato German gewagt, wagenmütig, wagehalsig.

«« Search again