alemusinéri , nm, agt: lemusineri Definition chi o chie faet s'alimúsina Sentences cussu est ómine alemusineri e totu caridade Etymon srd. Translations French mendier English almoner Spanish limosnero Italian elemosinière German Almosenspender.

lemusinài , vrb: allimusinai, limosinai, limosinare, limusinai, limusinare Definition pedire, domandhare s'alemúsina o àteru coment'e alemúsina, coment'e cosa chi no tocat de diritu Synonyms e antonyms mendigai, pedulianare Sentences unu padre andhaiat a limosinare ◊ eo nudu e famidu so andhendhe a limusinare ◊ po gràtzia de su regnu biancu baxi in giru a lemusinai (Origa) Translations French mendier English to beg for Spanish mendigar, limosnear Italian elemosinare German betteln (um).

mendigài , vrb: mindhigàre, mindigai, minnicare Definition pedire sa lemúsina, fàere su pedidore; torrare, o èssere, a míndhigu Synonyms e antonyms lemusinai, pedie, pedulianare, mischinzare / abasciai, amenguai, immenguare, miminare, torrae / arrunzinare | ctr. donai, giare / errichire Sentences a unu mindhigu no li mancat it'e mindhigare ◊ cussos no si abbarrant a mannos a minnicare pasturas e mànnicos dae palas de sos àteros 2. est mindigada sa sustàntzia chi lompit a is fròngias Translations French mendier, être en difficultés financières, vivre dans la gêne English to beg, to be in shortage Spanish mendigar, vivir en la estrechez Italian mendicare, èssere in ristrettézze German betteln, in beschränkten Verhältnissen leben, abgebrannt sein.

pedíe , vrb: pedire, pediri, perí, petire, pidire, pitire Definition pregontare po àere calecuna cosa (prus che àteru in donu, po no dhu torrare); andhare a cricare s'alemúsina / èssere o essire a p. = tènniri abbisúngiu meda, de dèpiri andai a circai s'alimúsina Synonyms e antonyms dimandhare, prejare / lemusinai, mendigai | ctr. dare, donai Sentences de fronte a Deus m'intendho obbligadu in disisperu a pedire perdonu (G.B.Mereu)◊ dontzi via chi l'imbeniat, su tzilleraju li petiat su bufu in cara de tzente ◊ mezus dare chi no pedire ◊ candu mai ti apu pediu calincuna cosa, si no po apretu?! 2. dai candho li est mancadu su babbu, in cussa domo, sunt a pedire ◊ iscuru a chie pedit pro no àere! ◊ bilgonza e dannu est a pedire e furare! Etymon ltn. *petire Translations French demander, mendier English to beg Spanish pedir limosna, mendigar Italian chièdere, mendicare German bitten, betteln.

«« Search again