Abbreviations Legenda | Symbols Legend

mindía , nf: mundhia, mundia, munnia Definition àliga, cosa de mundhare; léndhine, is oos de su preugu, su preugu etotu / fàghere su logu a netu e a mundhia = pinnicai totu, leàrendhe totugantu chentza bi lassare nudha, furendhe o lendhe… a furadura Synonyms e antonyms léndhine, mandioledha, mundhítzia, mundhulia, peogu, pidúciu / brutore, mughedhu 1 Sentences sa domo sua est prena de mundhia: si b'intrades bos leat s'alenu 2. mundhia pro mundhia menzus mi boco sa mia!◊ po santa Luxia passus de mundia, po nadali passus de orgiali, po santu Sabbustianu passus de bòi domau Surnames and Proverbs prb: zente bia faghet mundhia Scientific Terminology crp, pediculus humanus capitis, p. h. vestimentorum, phtirius pubis Etymon srd. Translations French pou English louse Spanish piojo Italian pidòcchio German Kopflaus, Laus.

peógu , nm: peuju, piogu, piugu, pleugu, pregu, préigu, preogu, preucu, preugu, préugu, prigu, priogu, priucu, priugu, pruigu Definition preugu canu, genia de bobboi pitichedhu chi si atacat a sa carena (de animales e de gente), mescamente ue dhue at pilu, e suspit su sàmbene: est símbulu de poberesa e si narat in parte de poberesa etotu, de cosa a míndhigu; bobboitedhu de mare chi dhi assimbígiat, fintzes una genia de bobboitedhu chi ponet a is puntas modhes de is matas (piogu birde)/ priogu de porcu = genia de erba chi faet in is laores (Krubera peregrinum) Synonyms e antonyms mandioledha, mindia, mundhítzia, pidúciu / tíngiu Idioms csn: sa cria de su préigu = líndiri; préigu pudhinu = su chi ponit a is pudhas; iscroxai su priogu po sa pedhi = èssere limidos a s'úrtimu etzessu, asuriosos a meda; èssiri che priogu in bussa de seda = crèresi tropu, pàrreresi prus de su chi unu est, fàghere su tostu, s'intreu; priogu a pedhi = meda Sentences in cussa domu dhoi fut su priogu a pedhi! ◊ inue fato istare unu peogu bi ndhe colloco chentu che a tie! ◊ totu prozetos mannos fora 'e logu, che isparare a balla a su piogu! (L.Ilieschi)◊ su sàmbene che fit suzonau de su priucu ◊ sa carrotza fiat prena de pínnighe e de pregu ◊ su maistu abbaidàt dónnia mengianu is pilos de is piciochedhos po bíere si dhue iat preugu 2. labai cussu gatu, su priogu in bussa de seda: dhi apu postu pisci e no ndi papat! 3. cussu dinai no dhu bollu, no tengu abbisóngiu de su priogu cosa tua! Surnames and Proverbs prb: alleputziu che priogu in bursa de seda ◊ s'arriu currit a mari, su priogu sempri a is pòbirus Scientific Terminology crp, pediculus humanus capitis, p. h. vestimentorum, phtirius pubis Etymon ltn. peduc(u)lus Translations French pou English louse Spanish piojo Italian pidòcchio German Kopflaus.

pidúciu, pidúcru , nm: preducu, pridocu, priducu Definition preugu canu, genia de bobboi pitichedhu chi si atacat a sa carena (de animales e de gente), mescamente ue dhue at pilu, e suspit su sàmbene: est símbulu de poberesa Synonyms e antonyms ghinitu, mandioledha, mindia, mundhítzia, peogu* Sentences s'ómine, si no est istirau a minore, morit che preducu in locu de custura ◊ priducu chin priducu fachent léndhine! Translations French pou English louse Spanish piojo Italian pidòcchio German Laus.

tíngiu , nm Definition genia de preughedhu chi ponet a is puntas modhes de is matas Scientific Terminology crp Etymon srd. Translations French pou de San josé English plant louse Spanish piojo de las plantas Italian pidòcchio delle piante German Blattlaus.

«« Search again