apàre , avb: apari,
aparu Definition
a pare = paris, totu a unu, s'unu a cara a s'àteru, cun s'àteru, s'unu a s'àteru, apare pare
Synonyms e antonyms
debarapai,
interpare,
paltibaris,
parebare
Idioms
csn:
pònnere apare = cufrontare una cosa cun s'àtera; ghetai apari = cufúndhere, pònnere paris cosas diferentes, isordulare totu; ghetaisí apari = lòmperesi a s'iscúdere, gherràresi; separados apare = de pare, fora de pare; fàghere apare = atobiai a su própiu logu in su própiu mamentu, fàghere paris; istare a zanna apare = tènniri sa domu me in sa própiu arruga unu ananti de s'àteru; leare, giúghere a manu apare = a manudenta; fèrrere apare cosa = collire, preulire, corbai cosa pro carchi bisonzu, fintzas tocare una cosa cun àtera (su tocu de reapare = de fèrrere apare, de si ndhe pesare e dare tentu, su chi faghent in crésia avertindhe sa zente chi est essindhe su preíderu pro nàrrere sa missa); fai impasa apari = fàere s'unu a s'àteru
Sentences
no si podent bídere apare ◊ sos duos batos si abbàidant apare cun sa coa tètera che fuste ◊ totu su mundu in discórdia est, prus nisciunus si bollit bèni apari!
2.
una bolta su lupu e s'anzone ant fatu apare in su matessi riu ◊ at aju, unu, de ammentare totu su chi amus betadu apare in sas dísputas!… (G.Ruju)
3.
già bi los do sos saludos: no mi costat nudha ca istamus a zanna apare!
Etymon
srd.
Translations
French
réciproquement
English
mutually
Spanish
recíprocamente
Italian
vicendevolménte
German
gegenseitig.
bínchides , avb Definition
a bínchides de pare = s'unu cun s'àteru, a mudas a mudas, a trivas
Sentences
zanas e ninfas fint a bínchides mustrandhe sa galania issoro ◊ favedhant a bínchides pro bíere ite podent fàchere contra a isse
Translations
French
réciproquement,
mutuellement
English
mutually
Spanish
reciprocamente
Italian
vicendevolménte
German
gegenseitig.
interpàre , avb: intespare,
intrepare Definition
inter pare = tra unu e àteru, s'unu cun e po s'àteru
Synonyms e antonyms
apare,
debarapai,
paltibaris,
parebare
Sentences
sunt disunidos pessendhe a s'ispèrdere interpare ◊ intespare amus nadu chi…
Etymon
srd.
Translations
French
réciproquement
English
mutually
Spanish
recíprocamente
Italian
vicendevolménte
German
gegenseitig.
parebàre , avb: paribari Definition
s'unu cun o a s'àteru
Synonyms e antonyms
apare,
paltibaris
Sentences
istant in bonu cussertu respetèndhesi parebare ◊ Cristos e Santu Giuanne si sunt batixados paribari ◊ dàdebbos sa manu paribari! ◊ no dhus connoscis cumenti funt, tirendusindi is ogus paribari?! ◊ cussos si azuant de paribari ◊ si faent caente paribari
Etymon
srd.
Translations
French
réciproquement
English
each other
Spanish
recíprocamente
Italian
reciprocaménte
German
gegenseitig,
einander.