Ditzionàriu in línia
de sa limba e de sa cultura sarda

mammagràida , nf: mammaràida 1 Definition genia de pibitziri birde Synonyms e antonyms ateribilche, pibiciri, pibisiu, telaporca, tziabróssima, tzilibrínchidi, tzimpilighe Scientific Terminology crp Etymon srd. Translations French sauterelle English grasshopper Spanish grillo de matorral Italian saltabécca German Laubheuschrecke (Grüne), Heupferd.

pibicíri , nm: pibinciri, pibintzíli, pibintzíri, pibiritziri, pibítzile, pibitziri Definition genia de bobboi de tantas calidades, longhitu, a bortas mannu cantu unu pódhighe, cun duas cambas longas longas e cun is alas: si movet a brínchidos e a bolu puru, ponet sa cria in terra, est tímiu ca dhue at annadas chi ndhe naschit a meda e si che papat s'erba, is laores, tra s'acabbada de su beranu e s'intrada de s'istade / su mali de is pibitziris = male manigantzinu, fàmine sempre; còscias de pibitziri (nau de genti) = còscias finis Synonyms e antonyms ateribilche, mammagràida, pibisiu, telaporca, tziabróssima, tzilibrínchidi, tzimpilighe Sentences candho fio zòvanu brincaio coment'e unu pibintziri ◊ Giuanni Batista papàt meli marigosu e pibinciri ◊ comenti at fatu a ndi sprondi a innòi cussu pibitziri? Scientific Terminology crp Etymon srd. Translations French sauterelle English grasshopper Spanish saltamontes Italian cavallétta German Heuschrecke.

pibisíu , nm, nf: pibissia, pibissiu, pibitzia, pibitziu Definition genia de bobboi de tantas calidades (ma mescamente cussa birde), longhitu, a bortas mannu cantu unu pódhighe, cun duas cambas longas longas e cun is alas: si movet a brínchidos e a bolu puru, ponet sa cria in terra, est tímiu ca segundhu s'annada ndhe naschit meda, in beranu intrandho s'istade, e si che papat s'erba, is laores Synonyms e antonyms ateribilche, mammagràida, pibiciri, telaporca, tilibilche, tziabróssima, tzilibrínchidi, tzimpilighe Scientific Terminology crp, Tettigonia viridissima Etymon srd. Translations French sauterelle verte English locust Spanish grillo de matorral Italian cavallétta vérde German Laubheuschrecke.

tilibílche , nm: (su t. = nr. sutilibílche) ateribilche silipirche, tilibirche, tilibische, tilipilche, tilipirche, tilipircu, tiliprighe, tilipische, tiribricu, tzilibiche Definition genia de bobboi (upm) de tantas calidades, longhitu, a bortas mannu cantu unu pódhighe, cun duas cambas longas longas a serronedhu e cun is alas: si movet a brínchidos e a bolu puru, ponet sa cria in terra, est tímiu ca dhue at annadas chi ndhe naschit a meda e si che papat s'erba, is laores, tra s'acabbada de su beranu e s'istade Synonyms e antonyms mammagràida, pibiciri, pibisiu, pirigòlgia, telaporca, tziabróssima, tzilibrínchidi, tzimpilighe Sentences piús che in Roma cristianu, tilibilche in Sardigna mi cheria (S.Baldino)◊ sartiabant su muru coment'e tilipirches ◊ su tilipirche a totu dat aggheju, arroinat su póberu massaju: no si salvat nemmancu su mudeju! ◊ tilipirche maltzosu, totu distrues peus de su fogu! (P.Masia)◊ su tilibirche s’annu beniat a nues, in tempus de messonzu Scientific Terminology crp, dociostaurus maroccanus, calliptamus italicus Translations French sauterelle English grasshopper Spanish saltamontes Italian cavallétta German Heuschrecke.

tzilibríchi , nm: ateribilche, tilibilche* Definition genia de bobboi de tantas calidades, longhitu, a bortas mannu cantu unu pódhighe, cun duas cambas longas longas e cun is alas: si movet a brínchidos e a bolu puru, ponet sa cria in terra, est tímiu ca dhue at annadas chi ndhe naschit a meda e si che papat s'erba, is laores, tra s'acabbada de su beranu e s'istade Synonyms e antonyms mammagràida, pibiciri, pibisiu, telaporca, tziabróssima, tzilipische, tzilibrínchidi, tzimpilighe / cdh. tzilibricu Sentences cussu a sos massajos bis pretendhet in pagamentas su chi no che at ispérdiu su tzilibrichi! Scientific Terminology crp Translations French sauterelle English grasshopper Spanish saltamontes Italian cavallétta German Heuschrecke.