Ditzionàriu in línia
de sa limba e de sa cultura sarda

bébidu , nm, nf: bélia, bélida, bélidu, béliu Definition prus che àteru, sa boghe de is brebès, de is crabas, nau fintzes de gente po boghe de dolore, de lamentu Synonyms e antonyms bebbéchinu, bèolo, mammàrgiu, mélida, méliu Sentences funt a bébidus e a brínchidus cument'e unu tallu de crabus! ◊ grígliat paghe e vida tra bélidas e sonizos de campagna ◊ intendhes bélidas, múilos de amas ◊ s'intendhiant bélidas de anzones istrinnigados ◊ sa bélida de s'ama pasculendhe l'isviaiat dae totu sos pensamentos 2. sa muzere si nche fit morendhe a bélias, die cun die ◊ azis a mòrrere a bélia che berveches fadicadas (L.Pusceddu) Scientific Terminology bga Etymon srd. Translations French bêlement English baa Spanish balido Italian belato German Blöken.

beolàre , vrb: beulai Definition istare a bélidos, a iscràmios, comente faent su paru brebeghinu e cràbinu Synonyms e antonyms belai, melare, meulare, miaurai Sentences sa crabita est bénnida beolendhe beolendhe ◊ crabas e crabitos sunt beulendhe ◊ pares un'arbeghe beulandhe ◊ in sa terra anca si amparat su muvroni no béulit prus s'angioni! Translations French bêler English to baa, to bleat Spanish balar Italian belare German blöcken, meckern.

melàre , vrb: meliare, mellare, miliare Definition istare a iscràmios, comente faet su paru brebeghinu e cràbinu Synonyms e antonyms belai, beolare, ilbelidare, meulare, miaurai Sentences sos crapitos, apenas mi bidiant arribbandhe, atacabant a miliare ◊ una crapa est mellanne ca s'astore l'at orfanada Translations French bêler English to baa, to bleat Spanish balar Italian belare German blöken (pecora), meckern (capra).

mélida, mélidu , nf, nm: mélita Definition sa boghe de brebès e crabas / no fàchere mélita = lassare istare, no ndhe fàghere contu Synonyms e antonyms bébidu, bèolo, méliu Sentences sa mélida de sos anzones si mísciat a su sonu de sas campanas ◊ non s'intendhent mélitas de robba in paschinzu Scientific Terminology bga Etymon srd. Translations French bêlement English baa Spanish balido Italian belato German Blöken (pecora), Meckern (capra).

méliu , nm: mellu, míliu Definition sa boghe de brebès e crabas Synonyms e antonyms bébidu, bèolo, mammàrgiu, mélida Sentences sas berbeghes sunt a mélios, comente lis ant leadu sos anzones ◊ su mellu innoscente de s'anzone de Pasca Scientific Terminology bga Etymon srd. Translations French bêlement English baa, bleat Spanish balido Italian belato German Blöken (pecora), Meckern (capra).