Abbreviations Legenda | Symbols Legend

bugía , nf: busia Definition istiàrica, candhela de chera; fintzes una genia de candheleri, pratígliu po pònnere sa candhela istrantagiada Synonyms e antonyms candeba, istiàrica Surnames and Proverbs smb: Busia Translations French bougie English little candle Spanish vela, candela Italian candelina German kleine Kerze.

candèba , nf: candhela, candèua, cannela Definition cannedhu de chera cun su loghíngiu in mesu, ma fintzes una genia de istregighedhu cun su loghíngiu in s'ógiu, de allúere po fàere lughe, a framuledha pitica, o fintzes po devotzione a unu santu; in is costanas de su carru, is bratzos chi si fichint in su fundhu po fàere is gerdas; in is motores a iscópiu, elementu chi bogat s'ischintídhia po fàere iscopiare su gasu e giare s'ispinta a s'istantufu; síngia longa a fogu chi si faet a su bestiàmene; sa chima grussa chi bogant unas cantu erbas Synonyms e antonyms istiàrica, luchera / candelita Idioms csn: cossumíresi, ispitire che candhela (nadu de malàidu, de betzos) = mòrriri abbellu abbellu; sa candhela de s'ocru = sa pupia; candhelas de fogu = brusiore a s'istògomo; èssiri marriu in candela = romasu cadidu; candhela ’e sonnu = pagu pagu de sonnu; po dónnia màniga de candela = pro donzi bonu bisonzu…, si benit bisonzu…, a bortas chi…; sas candhelas = framighedhas de gasu chi s’inchendhet comente essit de sos tumbinos, in sos campusantos, itl. fuòchi fàtui; iscúdere, tirare calecuna cosa a cannela = a puntichelinu, a in artu in verticale Sentences si mancat sa lughe za tenimus carchi candhela a l'allúghere ◊ at allutu una candhela a Nostra Segnora ◊ biteimindi is candebedhas e cumantzaidhas a allui! ◊ tenzo una candhela a bator bicos 2. sa domu mia est coment'e una candeba sentza de losíngiu, dhi ammancat su prus bellu: pobidhu miu! (A.Garau)◊ si est cossumendhe che candhela, cust'ómine 3. istanote no mi at faladu una candhela de sonnu! ◊ in totu sa note no li fit falata cannela de sonnu 4. no s'iscít mai: dèu, po dónnia màniga ’e candela, sonu su campanedhu, si podit benni calincunu infermieri ◊ po dogna màniga ’e candela, faimindi duas cópias de cussu paperi! 5. a su motore li at cambiadu sas candhelas e como andhat prus menzus 6. sa cibudha de coga o abridha bogat una candela Surnames and Proverbs prb: ni fémina e ni tela a luxi de candela ◊ a santu betzu no si allumat candhela Etymon ltn. candela Translations French chandelle English candle Spanish candela, vela Italian candéla German Kerze.

chíriu , nm Definition genia de chera manna Synonyms e antonyms cereu, síriu* 1 Sentences pro Pasca cumintzait su martíriu ch'issa sufreit sentza faedhare, cunsumíndhesi símile a su chíriu chi alluimos subra de s'altare (A.Casula)◊ sa chera de s'abe est bona pro fàghere chírios pro s'altare Surnames and Proverbs smb: Chiriu Translations French cierge English large candle Spanish cirio Italian céro German große Wachskerze.

pabílu 1 , nm: pibillu 1, pibilu Definition loghíngiu de sa candhela; sa candhela comente faet a coras comente s'iscàgiat candho est alluta Synonyms e antonyms istupignu, loghíngiu Etymon spn. pabilo Translations French moucheron English candle drippings Spanish moco Italian moccolàia German Schnupe, Wachstropfen.

«« Search again