Ditzionàriu in línia
de sa limba e de sa cultura sarda

friscúra , nf Definition ariedha chi praghet, a temperadura prus bàscia, prus che àteru in istade candho sa basca est meda / a f., a sa f. = in is oras friscas de sa die Synonyms e antonyms friscore, friscu 1 | ctr. caentu, calura Sentences candu fait basca, innòi aintru de crésia nci at friscura ◊ mi achero a su balcone pro gosare unu pagu de friscura ◊ in istiu piaghet sa friscura ◊ su stàuli de s'àxina fait una gruta de friscura in is diis callentis ◊ Minnia si fiat ghetada ispollinca asuba de su lentzoru po circai friscura Etymon srd. Translations French fraîcheur English coolness Spanish frescura Italian frescura German frische Luft.

prièsa , nf Definition manera de fàere sa cosa abbellabbellu, tropu a lecuancas, chentza presse nudha, chentza mai pèrdere sa passiéntzia Synonyms e antonyms apódhiu, immajonu, isténia, mighirimíghiri, priura Etymon srd. Translations French flegme English coolness Spanish flema, cachaza Italian flèmma German Phlegma.