benidéru , agt, nm: venideru Definition
foedhandho de tempus, chi at a bènnere, su tempus chi si portat a denanti
Synonyms e antonyms
benidore
| ctr.
passadu
Sentences
isperant chi a su tempus benideru no lis manchet su beranu ◊ lébias ti sient e chena anneu sas dies benideras!
2.
iscaresci su passau e pensa a su benideru! ◊ su benideru est giai aintru de su oi
Etymon
spn.
Translations
French
prochain
English
next,
future
Spanish
venidero
Italian
venturo
German
kommend,
künftig.
benidòre, benidòri , agt, nm: bennidore 2,
benitore,
venidore Definition
foedhandho de tempus, chi at a bènnere; su tempus chi o fintzes chie at a bènnere, sa criadura chi depet naschire / a/c.: su b. de is verbos in sardu si faet cun is formas de su vrb. àere de s'ind. pres. prus sa prep. a e s'inf. de su vrb. chi s'impreat, su vrb. lessicale (es. apu a biri, as a fàere, at a nàrrere, aus a torrare, azis a bènnere, ant a iscriri); ma no sèmpere inditat tempus: a bortas inditat calecuna cosa chi podet èssere ma no est segura e si podet nàrrere de cosas a su presente puru (za at a pròere puru, como, za!…◊ gei s'at a balli unu sodhu cussu possessu!…◊ frius dhui at a fai anca ant a èssi is piciochedhus? ◊ ge no at a tocai de tzerriai sa maista de partus! ◊ ite cheres chi ti nia: at a èssere gai ma no ndh'isco! ◊ aliali, as a èssere tue cussu chi mi che at furadu sa cosa!); su b. passau (solu de forma) a paragone de un'àteru tempus b. in sardu no s'impreat mai: s'impreat solu in su sensu de duda, de possibbilidade, a metade tra su nàrrere e su dimandhare (za bi as a èssere andhadu a fàghere cudhu cumandhu, berus?! ◊ bae a bídere, chi como at a èssere torradu! ◊ no as a crei ca cussu dannu dh'apu fatu dèu: as a èssi istétiu tui etotu!), o fintzes po inditare seguresa, ma nau cun ironia (dh'ap'àiri pentzau de mi ndi andai a giru cun custu frius!…), mentres chi in su sensu de su tempus si narat de àtera manera: candho so prontu apo a bènnere/benzo ◊ candho s'at a istracare s'at a frimmare ◊ sa die chi ti pones a triballare za at a èssere una bella die!; su b. de unu tempus passau si podet fàere cun s'ind. imp. o cun su cund. passau e fintzes de àtera manera: deris nachi benias e no che ses bénnidu ◊ nanca torràst a benni e no ses benniu! ◊ nachi faghiat tempus bonu, oe, ma mi paret chi che la fúrriat male ◊ seu pentzendi a totu cussu chi emu pótziu fai e no apu fatu ◊ mi as nadu chi tias èssere bénnidu e poi ti ses torradu a pessare ◊ pessaia de bi andhare ma apo tentu irbortu
Synonyms e antonyms
benideru,
imbenidore
| ctr.
passadu
Sentences
benes e momentos afannosos preparat su tempus benidore ◊ sas generatziones benidoras ant a èssere diferentes ◊ Sennore, ti ringràtzio chi mi as dadu custa frua: pro su tempus bennidore la ponzo in manu tua ◊ castiae ca is tempos funt cambiandho e sa pinna e su tinteri ant a donae a papae a su mundhu benitore
2.
si atzendhent in su coro bramas de lobrare unu menzus benidore ◊ piús allegras bos bia a su benidore! ◊ at postu a parte àteros valores a godimentu de sos benidores (G.Finà)
Etymon
ctl.
venidor
Translations
French
futur,
qui va naître
English
future,
unborn (child)
Spanish
futuro,
que va a nacer
Italian
futuro,
nascituro
German
kommend,
künftig,
Zukunft Leibesfrucht.
ventúru , nm: benturu Definition
foedhandho de tempus, su chi at a bènnere
Synonyms e antonyms
benideru,
benidore
| ctr.
colau,
passadu
Sentences
in su venturu, pro sorte diciosa, suta s'ograda amiga de onz'istedhu bidant s'abbitu che ricu castedhu! (P.Giudice Marras)◊ a tie nessi chi riat dae cras su sole nou e chi su venturu tou chei su meu no siat! (Grolle)◊ menzus su seguru chi no su venturu
Etymon
itl.
Translations
French
prochain
English
future
Spanish
venidero
Italian
venturo
German
Nächste.