Ditzionàriu in línia
de sa limba e de sa cultura sarda

arrèsa , nf, nm: arresu 1, rasu 3 Definition su pregare, nàrrere is pregadorias, mescamente s’orrosàriu / fàghere o fai s'a. Synonyms e antonyms precadoria, pregaria Sentences mortu est maridu meu: li faco chimbe arresas ◊ po issa in s'arresu pedu a is santus paxi, saludi e cuntentesa ◊ is arresus cun sa fidúcia afórtiant s'ànima Etymon spn. Translations French prière English prayer Spanish rezo Italian preghièra German Gebet.

babbunóstru , nm Definition sa nódida pregadoria chi at incumandhau Cristos, nada deosi de is primos duos foedhos, Babbu nostru; cadaunu de is granos de una corona o orrosàriu Synonyms e antonyms padennoste Idioms csn: nàrrere, rasare unu o su b.; andhare che b. = èssiri in buca de totus; colare dae su b. a s'avemmaria = andhare de una cosa a s'àtera chentza órdine, chentza régula Sentences segundhu tue, a Deus l'as pagadu cun d-unu Babbunostru male nadu! ◊ si cuncedit s'indulgéntzia a totu cudhos chi dent resare chimbe Babbunostos 2. in bidhas minores sas novas andhant dae unu a s'àteru che babbonnostros e avemmarias Etymon srd. Translations French Notre Père English lord's prayer Spanish padrenuestro Italian Padre nòstro German Vaterunser, Paternoster.

orasciòne , nf: orassione, orassioni, oratzioni, orocioni Definition css. pregadoria, mescamente sa chi si narat in oras de apretu o de timoria; tocu de campanas a mengianu, a merie / nàrrere s'orassione = pregai; sonai is oratzionis = sonare sas fremmarias Synonyms e antonyms arresa, ispossóliu, precadoria / fremmaria Sentences candho che corcat su pitzinnu l'avertit de nàrrere sas orasciones a su babbu ◊ a fàcia a terra, fatendhe orascione andho che unu tziu, istracu e lentu (G.A.Cossu)◊ is féminas s'ingenugant e cun is manus in su runcu cumènciant a si fai sa rugi e a nai s’orassioni Translations French oraison English prayer Spanish oración, rezo, plegaria Italian orazióne German Gebet, Oration

precadoría, precaduría , nf: precatoria, pregadoria, pregaroria, preicadoria Definition su foedhare chi si faet cun Deus o is Santos po dhos laudare, arrengratziare e pedire calecuna cosa; su istare a meda, a tantas bortas, naendho a unu chi fatzat o getzat calecuna cosa Synonyms e antonyms arresa, orascione, pregaria / preconzu / cdh. pricaduria, ttrs. prigaduria Sentences za la faghet sa cosa, ma totu a pregadorias! ◊ sas precadurias issoro sunt istadas ascurtadas ◊ chelu e terra parent in cuss'ora impare unidos in pregadoria ◊ ndi at bófiu, de pregadorias, cussu piciocu, po benni a innòi!… Etymon srd. Translations French prière English prayer Spanish oración, rezo, ruego Italian preghièra German Gebet.

rasàre , vrb: arrasai*, resai, resare Definition nàrrere s'arresu, is pregadorias Synonyms e antonyms precare Sentences est rasendhe su rosàriu ◊ is paras resint s'ofítziu e cantint in su coru! ◊ ant rasadu tota sa missa Translations French dire ses prières English to say one's prayer Spanish rezar Italian recitare le preghière German beten.