Ditzionàriu in línia
de sa limba e de sa cultura sarda

brufulàgiu , nm: brufularzu, brufurarzu, buferarzu, bufularju, bufuraju, bufurarju, bufurarzu, burvuraju, profurarzu Definition crunculleu, puzone trinu, de turra, de palatu, unu de is pigionedhos prus connotos, faet meda su niu in is domos puru Synonyms e antonyms afuràrgiu, craculeu, crucúciu, fruferarzu*, frufurinu, mamegherisi, muntonarjari, murinàgiu, pibischirra, poforinu, trinedha, tziria Sentences assora sos brufularzos fint cantendhe ◊ s'at falau unu bolu mannu de bufurarjos in su piatzale cuscuzandhe fasfaruzas Scientific Terminology pzn, passer hispaniolensis Translations French moineau English sparrow Spanish gorrión Italian pàssero German Weidensperling.

craculèu , nm: crucueu, cruculeu, cruculleu, crunculleu, curculeu, curculleo Definition s'arratza sarda de su pigione trinu, de turra o de palatu, pigione múrinu o murinatzu: una calidade (passer montanus) faet abbitu mescamente in sa parte prus a mesudie; persona pitichedha / min. crucuelledhu, cruculededhu; fémina crucullea = conchilébia Synonyms e antonyms afuràrgiu, brufulàgiu, crucúciu, fruferarzu, frufurinu, mamegherisi, muntonarjari, murinàgiu, pibischirra, poforinu, trinedha, tziria Sentences is crucuelledhus si funt papendi sa farra chi mi est arruta foras ◊ ndhe at bistu de crunculleos e de isturros cuss'úmbulu!…◊ is crucueus pesendisindi de terra ant fatu una frusialla cun is alas 2. no mi fiat partu berus chi unu curculeuedhu diaici comenti e giaja portàt in corpus totu cuss'aragoni! Scientific Terminology pzn, passer hispaniolensis Translations French moineau English sparrow Spanish gorrión Italian pàssera sarda German Weidensperling.

crucúciu , nm Definition s'arratza sarda de su puzone trinu, de turra, de palatu, pigione múrinu o murinatzu Synonyms e antonyms afuràrgiu, brufulàgiu, craculeu, frufurinu, muntonarjari, pibischirra, poforinu, trinedha, tziria Sentences dhoi fiat unu gherrígiu de crucúcius acujendisí ◊ chi dhu cassat, su crucúciu, ndi dhi segat sa conca a límpiu Scientific Terminology pzn, passer hispaniolensis Translations French moineau English sparrow Spanish gorrión Italian pàssera sarda German Weidensperling.

fruferàrzu , nm: frufurarzu, fuferazu, fufuraju, fulferalzu, furferalzu, furferarzu, furfularju, furfuraju, furfurarju, furfurarzu, fusferarzu Definition puzone trinu, de turra, de palatu, pigione múrinu o murinatzu, connotu meda ca faet meda su niu fintzes in is teuladas (e fintzes in is matas) Synonyms e antonyms afuràrgiu, bidhisone, brufulàgiu, craculeu, crucúciu, frufurinu, fúrfure 1, mamegherisi, muntonarjari, murinàgiu, pibischirra, poforinu, trinedha, tziria Sentences narant chi sunt andhendhe a catza russa e isparant a sos furferarzos! ◊ su cànticu tou est unu píliu de furfularju pérdiu in d-una temporada mala ◊ duos fufurajos ant carratu lana pro fàchere su nidu 2. est allegru che furferalzu Surnames and Proverbs prb: fulferalzu in gianna temporada manna Scientific Terminology pzn, passer hispaniolensis, p. montanus Etymon ltn. furfurareus Translations French moineau English sparrow Spanish gorrión Italian pàssero German eine Sperlingssorte, Feldsperling, Feldspatz.

frufurínu , nm: fulferinu, fulfurinu, furfurinu Definition s’arratza sarda de su puzone trinu, de turra, de palatu, pigione múrinu o murinatzu; in cobertantza nau de ccn., feminari (furfurinu, paga vida!) Synonyms e antonyms afuràrgiu, brufulàgiu, craculeu, crucúciu, fruferarzu, mamegherisi, muntonarjari, murinàgiu, pibischirra, poforinu, trinedha, tziria Sentences sos furfurinos pienant un'àrvere manna de alas e de càntigos ◊ sos furfurinos si mànigant su laorzu ◊ e finidemindhela, o fulfurinos, custu ciulamentu! ◊ sos fulferinos chirchendhe asséliu punnant a trumadas a sa solzaga Scientific Terminology pzn, passer hispaniolensis, p. montanus Etymon srd. Translations French moineau English sparrow Spanish gorrión moruno, gorrión molinero Italian pàssera sarda German eine Sperlingssorte, Feldsperling, Feldspatz.

profuràrzu , nm: brufulàgiu, prufurarzu, puburalzu, purferarzu, purfurarzu, pusfurarzu Definition puzone trinu, de turra, de palatu, puzone múrinu o murinatzu, su crunculleu, unu pigionedhu de is prus connotos ca faet meda su niu in is teuladas Synonyms e antonyms afuràrgiu, craculeu, crucúciu, fruferarzu*, frufurinu, muntonarjari, murinàgiu, poforinu Sentences pusfurarzu, procura su fenu a fàghere nidu! ◊ sos purfurarzos faghent su nidu in sa rundha de sas caberturas ◊ profurarzu e cardellina, totu sunt annenne male! Scientific Terminology pzn, passer hispaniolensis. Translations French moineau English sparrow Spanish gorrión moruno Italian pàssero German Weidensperling.