Ditzionàriu in línia
de sa limba e de sa cultura sarda

dèche , agt, nm: dege, deghe, deghi, dexe, dexi Definition duas bortas su tanti de is pódhighes de una manu (in números àrabbos 10, in números romanos X): candho est agt. no càmbiat, ma si est nm. tenet su pl. (foras candho inditat is oras) Sentences apu biu dexi óminis ◊ tenet deghe bacas ◊ de candu teniat deghi annus issu at fatu su tzeracu ◊ dege funtis us dege Cumandhamentos 2. su deghe benit apustis de su noe ◊ duos deghes faghent vinti Etymon ltn. dece(m) Translations French dix English ten Spanish diez Italian dièci German zehn, Zehn.

dechemíza , agt, nm: deghemila, deghemiza, deximilla Definition su tanti de deghe bortas milli Sentences aiat pretesu binti mila carretas de trigu, dughentos cadhos e prus de deghemila pegos de bulu 2. de milli francos no ndhe cheret: sos deghemiza cheret! Etymon srd. Translations French dix mille English ten thousand Spanish diez mil Italian diecimila German zehntausend.

dechína , nf: deghena, deghina, degina, dexina Definition su tanti de deghe; unos o unas deghe, unu tanti a fúrriu de deghe Synonyms e antonyms dexena Sentences inie che aiat una deghena de féminas ◊ s’iscoberta prus ispantosa e importanti de sa preistória sarda: una dexina e prus de immàginis de perda de arena, de sa mannària de un’ómini e fintzas prus artas, in Monti Prama (G.Lilliu)◊ in custas domos postas po fàere iscola dhue istànt una deghina de piciochedhos e is bancos furint pitios Translations French dizaine English ten Spanish decena Italian diecina German Zehner.