Ditzionàriu in línia
de sa limba e de sa cultura sarda

conniméntu , nm: cundhimentu, cundimentu Definition su cundhire is papares; is cosas chi si ponent a cundhire unu papare; su s'ispainare de una maladia cundhindhondhe su logu, atacandho a is àteros puru Synonyms e antonyms cundímini, cunnintzu, pimenta / cundhidura, impestu Sentences arratza de cundhimentu chi li as fatu a custu mànigu!…◊ su papai sentz’e cundimentu est malu, ma peus ancora candu mancat sali!◊ su fàmene est su menzus cundhimentu 2. cundhimentos sunt sa bagna, tzertas erbas fragosas, ozu e casu e gai ◊ su ladru cun s’ollu de procu fut su cundimentu po totu s’annu 3. bi at maladia chi andhat a cundhimentu Translations French assaisonnement English condiment Spanish aliño Italian condiménto German Würzen.

cundhidúra , nf Definition su cundhire is papares, mescamente nau de sa manera; su s'ispainare de un'infetu, de una maladia chi passat de s'unu a s'àteru e ndhe prenat su logu Synonyms e antonyms connimentu, cundhiolu / alluadura, impestu 2. s'uficiale sanitàriu deit órdines severos pro evitare sa cundhidura de una maladia chi faghiat a timire ◊ ello a cundhidura andhat custa cosa?! Etymon srd. Translations French assaisonnement, contagion English condiment, infection Spanish aliño, contagio Italian conditura, contàgio German Würzen, Ansteckung.

pimènta, piméntu, pimèta , nf, nm Definition cundhimentu po papares, totu su chi si ponet po giare prus sabore a is papares; pimentu est fintzes una mata de s'América chi faet una genia de píbere impreau po cundhimentu e po meighina e si narat fintzes po colore, tinta Synonyms e antonyms connimentu, fimeta / tinta Sentences is ingredientis de sa pimenta po cundiri 2. s'autonomia no est una cosa in prus, un'ispétzia de casu fratadu o de pimentu chi si podet o no si podet pònnere pro fàchere prus licantzu su gustu: s'autonomia est su gustu (Z.F.Pintore)◊ sa poesia sighit a èssi una pimeta, unu cundimentu netzessàriu po s'ànima nosta 3. su biancu de titàniu no mi l'as impitadu: e it'oromala, mi faghes pagare pimentos caros che furca, si poi no los impitas?! (M.Bua) Scientific Terminology mng, mtm Pimenta dioica Etymon itl. pementa Translations French assaisonnement English seasoning Spanish aliño Italian condiménto German Würze, Gewürz, Dressing.