Ditzionàriu in línia
de sa limba e de sa cultura sarda

afítu , nm Definition su giare o pigare calecuna cosa in càmbiu de dinare o àteru po unu tanti de tempus; su chi si pagat o si ndhe tenet in càmbiu de sa cosa giada in afitu Synonyms e antonyms allocu, arrendu, pasoni Sentences mi depet su dinari de s'afitu ◊ semus in domos de afitu 2. l'apo pagadu s'afitu ◊ poita depu pagai s'afitu candu tengu sa domu? Etymon itl. Translations French loyer, location English rent Spanish alquiler, arrendamiento Italian affitto German Miete.

allócu , nm: allogu Definition su chi si pagat o si faet pagare de afitu; su allogare, giare in afitu una cosa / àere, leare, pedire a s'allogu, pagare s'allogu, istare in domos de allogu Synonyms e antonyms acodradura, afitu, allogadura, arrendu, pasoni Sentences allodha sa luna: sa noti dha teniat in allogu po fai luxi! ◊ bi at de pacare barratzellos e allocu 2. mai at chérfitu pacare pro pàschere in tirrinos de allocu ◊ cherent su cunzadu a s'allogu Etymon srd. Translations French loyer, réserve English rent, reserve Spanish alquiler Italian affitto, risèrva German Miete, Reserve.

arréndhu , nm: arrendu Definition su arrendhare, su giare o pigare in afitu; ma fintzes su valore o prétziu de s'afitu, su chi si ndhe tenet de s’afitu; in logos de mare est fintzes ue is piscadores si ponent a bèndhere su piscau issos etotu / si dhu donaus nosu, s'arrendu!… = bos lu damus nois su tantu!… (mineta) Synonyms e antonyms afitu, allocu, arrendamentu, pasoni 2. mirai cantu est s'arrendu de custa ispétzia bella de muntzegnoris!…◊ no isco comente bos pagare s'arrendu de sa tanca! Etymon srd. Translations French loyer, location English rent Spanish alquiler Italian affitto German Miete.

nólitu , nm Definition genia de cuntratu po pigare o giare calecuna cosa a un'àteru po si ndhe serbire calecunu tempus; su chi si pagat in cuntratos deosi, su pagamentu de su trasportu de is mercantzias a su bastimentu Synonyms e antonyms nolégiu / nolu, nozu, portàdiga Translations French location English hire Spanish renta, alquiler Italian noléggio German Miete, Fracht.

nólu , nm Definition su tanti chi si pagat po pigare calecuna cosa a nolégiu, po calecunu servítziu Synonyms e antonyms nólitu, nozu, portàdiga Etymon itl. Translations French fret English rent Spanish alquiler Italian nòlo German Miete, Fracht.

pasòni , nf: pejone, pesione, pesone, pesoni, pisione Definition su chi si pagat po crocare o istare in d-una domo, o fintzes po tènnere terrenu o àteru a si ndhe serbire Synonyms e antonyms afitu, allocu, arrendu, pejonia Idioms csn: donai una terra a p., pigai un'aposentu a p.; zúchere sa conca a p. = in afitu, coment'e candu no si arrexonat, coment'e chi siat de un'àteru Sentences giughet sa domo infatu e no pagat sa pejone ◊ at donau sa domu a pasoni a una maista ◊ poita a tenni domus a pesoni cun chini no pagat afitu? (Loddo) 2. isse fit pessone bona, ma sos chi lu cherent fàghere a santu depent zúghere sa conca a pisione! Etymon itl. Translations French loyer English rent Spanish arrendamiento, alquiler Italian pigióne German Miete.

portàdiga , nf Definition sa paga de su carretoneri, de su carrulante po su viàgiu chi faet Synonyms e antonyms nólitu Etymon srd. Translations French fret English rental Spanish alquiler Italian nòlo German Fracht, Miete.