Ditzionàriu in línia
de sa limba e de sa cultura sarda

canciàu , agt: cansadu, cansau, cantzau Definition chi est istracu, immarriu Synonyms e antonyms ammungiadu, cansidu, fadiau, istracu | ctr. pasadu Sentences su bentu ndi portat is itzérrius de is béstias assuentadas e cansadas ◊ oi su coru dhu intendu cantzau de liagas e de medas doloris chi dhu torrant tristu e annugiau (F.Onnis)◊ cumbatendi de dugna manera, seu cantzau che una béstia! Etymon spn. cansado Translations French fatigué English tired Spanish cansado Italian stanco German müde.

cànsu , agt Synonyms e antonyms ammungiadu, acassu, istracu | ctr. pasadu Sentences sa manu artziada nci dh'arruit cansa Translations French fatigué English worn-out Spanish cansado Italian stanco German müde.

irgusolàdu , agt Definition chi at pérdiu sa gana, sa volontade de ccn. cosa Sentences irgusoladu fatu dai cudhos, est custrintu a pònnere mente a sos zibbírrios issoro ◊ fit istracu e irgusoladu dai sos "Chi nono" chi li daiat sa zente Translations French qui a la nausée English nauseated Spanish aburrido, cansado Italian nauseato German angeekelt.

istràcu , agt, nm: istragu 2, stracu Definition immarriu, chi at leadu pelea, múngia, chi dhi est passada sa gana de fàere cosa: si ponet fintzes coment'e pps. (= istracadu) Synonyms e antonyms ammungiadu, cansau, fadiau | ctr. pasadu Idioms csn: istracu che àinu, che béstia de mola; bèndhere o dare cosa a i. baratu = a sa fuliada, a prétziu bassu meda (coment'e candho no cheret comporare prus neune); fàghere cosa a s'istraca = istracos, chentza ndh'àere gana o fortza Sentences fit caminendhe a passu istracu ◊ fit arribbau istracu, chin sa taschedha a pala prena ◊ istracu e sonnidu de sas dies e notes passadas in pelea, si che fuit drommidu ◊ che fit istracu de s'ispinniare ifatu de sas crapas in sas andhatas rubosas ◊ si perdent sos istragos pessos mios 2. no at tzédidu de dimandhare fintzas a candho no si est istracu de l'intèndhere ◊ apo tota sa vida trabagliadu, de trabagliare no mi so istracu! Etymon itl. stracco Translations French fatigué English tired Spanish cansado Italian stanco German müde.