Ditzionàriu in línia
de sa limba e de sa cultura sarda

contínu , agt, avb: cuntinu Definition chi sighit, chi no si firmat, chi no acabbat / continu fit, isse! = est abarrau sempri de aici, a sa sighida, sentza de cambiamentu, sentza de alléviu Synonyms e antonyms sighidu, supriu / arreu, semper, totora Sentences ischida, o terra mia, de su sonnu continu! ◊ continu unu dolori in su coru portu iscritu ◊ làgrimas continas tengu de versai! 2. zuramentu apo fatu de t'amare continu! ◊ prangint de continu duus corus separaus ◊ bae innorobbona, bae: continu mintzidiendhe a s'unu e a s'àteru! (G.Ruju)◊ no mi ses orvidatu, continu t'apo in mente! Translations French continu, continuellement English continuously Spanish seguido, continuamente Italian contìnuo, continuaménte German dauernd.

otòra , avb: totora* Definition dónnia tanti, a pagu tempus o a pag'ora una borta de s'àtera Synonyms e antonyms atoratora, fatuvatu Sentences su mare otora betat un'isclamu, de lua l'issaeschet unu velu (G.Monzitta)◊ no istes otora bufendhe ca ti faghet male! ◊ mama e fizu si telèfonant otora, fintzas vinti bortas a sa die Translations French continuellement English continuosly Spanish continuamente Italian continuaménte German dauernd, ständig.

totòra , avb: otora Definition dónnia tanti, a pag'ora de una borta a s'àtera, dónnia iscuta Synonyms e antonyms arreu, atoratora, continu, fatuvatu Sentences "Fróbbidi su mutzighile!" l'imponzo a boghes totora ◊ bisionandhe totora a ocru apertu, pompiandhe sos istedhos, penso a cantu esistit (L.Loi)◊ tue faedhas bene dae fora, ca ses in cue e gosas a totora Etymon ltn. totta hora Translations French continuellement English repeatedly Spanish continuamente Italian continuaménte German dauernd.