Abbreviations Legenda | Symbols Legend

ammaistraméntu , nm: ammastriamentu Definition su ammastriare, giare annestru, imparu, su chi faet unu maistu cun is dischentes, cun chie est imparandho o depet imparare Synonyms e antonyms addotrinamentu, annéstriu, imparu Translations French instruction, éducation English taming Spanish educación Italian ammaestraménto German Belehren.

annéstriu, annéstru , nm Definition totu su chi si narat o chi si faet a unu po dh'imparare s'educatzione Synonyms e antonyms educascione, imparu, iscussada Sentences no ndhe li at dadu de annestru a su fizu e como si ndhe impudat! ◊ annéstrios e cossizos retziant babbu e fizos! (G.A.Mura) Etymon srd. Translations French éducation English education, training Spanish educación, formación Italian educazióne, addestraménto, istruzióne German Erziehung, Ausbildung, Bildung.

chíschiu , nm Definition manera de fàere, de si cumportare cun educatzione, cun crabbu, cun delicadesa / a bonu c. = cun amore, de bona manera, cun grabbu Synonyms e antonyms educascione Sentences a sas primas rosinas de s'atonzu su massaju, chin su punzu atarjau, chin chíschiu sèmenat su trídicu ◊ as fatu barbacana chin sas ungras in narbones raspitzos barbatandhe sa terra a bonu chíschiu (G.Piga)◊ sa zente morit priva de cada bene, e nois, chene chíschiu perunu, pessandhe a míseras cantonedhas… Etymon srd. Translations French éducation, amabilité English education, courtesy Spanish educación, cortesía Italian educazióne, creanza, cortesìa German Erziehung.

educasciòne, educassiòne, educassiòni, educassòne , nf: educatzione, educatzioni Definition totugantu su chi si faet po giare imparu a su cristianu, po dhi pònnere abbitúdines bonas, de cunsideru e arrespetu po is àteros puru; sa manera, is bonas maneras de fàere, de si cumportare, de pigare sa gente e is cosas Synonyms e antonyms adducatzione, annéstriu, chíschiu, imparu, pesadia Sentences chie at connotu bona educascione amat siguramente s'onestade (A.Paba)◊ bella educassioni: no tenit seti annus e fuedhat de aici! ◊ tengu prus educatzioni de fostei, ca est totu sa dí manna nendi mali de sa genti! ◊ s'educatzioni donada cun amori veru est fata de libbertadi e de frenus Translations French éducation English upbringing Spanish educación Italian educazióne German Bildung, Erziehung.

folmasciòne , nf Definition su formare, su fàere, nau fintzes in su sensu de imparu, educatzione Synonyms e antonyms annéstriu, educascione, imparu Translations French formation English formation Spanish formación, educación Italian formazióne German Bildung.

lutrínzu , nm Definition s'imparu de su catechísimu Synonyms e antonyms dotrina Sentences dae custu lutrinzu no si podet iscasciare pro perunu motivu Surnames and Proverbs prb: natura tirat e no lutrinzu Etymon srd. Translations French catéchisme English religious education Spanish educación religiosa Italian educazióne religiósa German religiöse Erziehung.

pesadía , nf Definition manera de pesare su fedighedhu, is minores, de dhos fàere a mannos, de dhos imparare Synonyms e antonyms annéstriu, educascione, pesadoria, pesantza / ttrs. pisadia Sentences at sighidu s'onesta pesadia ipasigada in sa soledade ◊ donzunu faghet segundhu sa pesadia chi at àpidu Etymon srd. Translations French éducation, formation English education Spanish educación Italian educazióne, formazióne German Erziehung, Bildung.

«« Search again