Ditzionàriu in línia
de sa limba e de sa cultura sarda

pibaròni , nm: piberone, piberoni, piperone Definition genia de erba de ortu chi faet de fundhu unu pagu a bisura de pedringianu, ma prus piticu e a fògia meda prus pitica e diferente (es. est lisa e lúghida), e unu frutu tuvudu, coment'e a tega grussa, larga e curtza, cun su sèmene pitichedhedhu (in custu giai oguale a su sèmene de su pedringianu, a parte sa posidura), prus che àteru atacau a su nasedhu o tenaghe, a calidades druche e mannu (birde, grogo, orrúbiu) de còere o papare cruo, a calidades orrúbiu, pitichedhu e pitzigorosu (arrabiosu) chi si ponet po cundhire papares / piberone pitigosu = piberonedhu, àspidu Synonyms e antonyms cdh. piaroni Sentences ponzeit su coinzolu cun pumatas, melinzanas e una màcia de piberone pitigosu ◊ si est fata arrúbia prus de unu piberoni Scientific Terminology rbzc, Capsicum annuum, C. frutescens Etymon itl. Translations French piment, poivron English pepper Spanish pimiento, guindilla Italian peperóne German Paprika.

piberédhu , nm: pibiredhu Definition piberonedhu piticu; píbere móliu, a pruine; genia de mata (Rhamnus alpinus)/ giogai a pibiredhu = zocare a crapa cónchina, a gatu tzurpa, a musca tzega, zogare a pibirinedhu Surnames and Proverbs smb: Pibireddu Scientific Terminology rbzc, Capsicum frutescens Translations French piment English chilly Spanish guindilla Italian peperoncino German Ziegenpfeffer.