Ditzionàriu in línia
de sa limba e de sa cultura sarda

arreciàu , nm Definition incannitzada po amparare matas, po piscare Synonyms e antonyms cadaletu 1, cannita, casaletu, casalire / cannitzada, incannitadu Sentences a sa matixedha tocat a dhi ponni un'arreciau po su bentu ◊ me in s'arriu ant postu s'arreciau po cassai su pisci Etymon ctl. reixat Translations French treillis English trellis Spanish encañado Italian gratìccio German Gitterwerk.

canníciu , nm, nf: cannissu, cannita, cannitu 2, cannitza, cannitzu Definition paristàgiu de canna apicau, a unu pianu solu, ue si ponet su casu o àteru po dh'afumare, asciutare, sicare (a logos, crocadórgiu de pudhas); teulada de canna intéssia Synonyms e antonyms arreciau, cadaletu 1, casaletu, casalire, statzili / cannitzada, incannitadu Idioms csn: intzídiu pro pigare a cannitu = itl. afrodisìaco, cosa chi faghet arretare; pigare a cannitu = zúghere; giòmpere a cannitu = lòmpere a un'iscopu Sentences subra de su foghile in su cannitu si afumat su regotu e su casu ◊ sas pudhas si che sunt postas in sa cannita, timindhe s'uraganu ◊ su canníciu est carrigau a castagna 2. su fumu essiat tra cannissu e teulada Surnames and Proverbs prb: aici balat Aritzu cantu balit cannitzu Etymon ltn. canniciu(m) Translations French treillis, claie English hurdle Spanish cañizo Italian gratìccio German Gitterwerk.

cannitzàda , nf: acannitzada Definition sa canna intéssia de is teuladas Synonyms e antonyms arreciau, canníciu, incannada 1, incannitadu Etymon srd. Translations French treillis de roseaux English cane hurdle Spanish cañizo Italian gratìccio di canne German Rohrgeflecht.

incannitàdu , pps, nm: incannitau, incannitzau Definition de incannitare; sa canna intrada o acapiada apare po pònnere sa téula in is teuladas o fintzes in is istagnos po fàere sa pischera Synonyms e antonyms arreciau, cannitzada, incannissadura 2. fit in su letu a ojos a s'incannitadu de sa cobertura Translations French treillis English hurdle Spanish cañizo Italian gratíccio German Rohrgeflecht.