Ditzionàriu in línia
de sa limba e de sa cultura sarda

aradàdhu , nm: aradhu, aragadhu, argadhu Definition sa crosta chi si dhue faet in sa pipa, in is carradas (genia de sales chi faent is binos); su brutore chi faet sa carre candho unu est de meda chentza samunau; runza carrada, cosa groga e tostada chi ponet a is dentes in is imbagas Synonyms e antonyms aggaradhu, cacaradhu, cragadhu, làdharu, lorra, muga, radhu, telaguba Sentences padedhas e frissiolos zughiant s'aradhu e benemindhe! 2. zughet s'aradhu in dentes ca no si las pulit Translations French tartre English encrustation, tartar Spanish tártaro Italian grómma, tàrtaro German Weinstein, Zahnstein.

càllu 1 , nm: càgliu 1, gadhu Definition corgiolu de lardu, de porcu o de sirbone; carre intostada, in manos o in peis, fata a corgiolu mortu a fortza de dha suíghere trebballandho, camminandho, tocandhodha cun cosa tostada / erba de callus (Aeonium arboreum)= chi faghet bene pro sos gallos Synonyms e antonyms badhu 2, càgiu 1, sidhu / corgiolu / cdh. cadhu Sentences a chini portat callus in is peis no si pòngiat mòri mòri! ◊ lah ca a fai custu trabballu ti fait is callus! ◊ portu unu càgliu in su pei Etymon ltn., itl. callum Translations French cal, cor, croûte, incrustation English corn Spanish callo Italian callo, cròsta, grómma German Hornhaut, Kruste.

cròsta , nf: grosta Definition pigighedhu o pígiu tostau de calecuna cosa, fintzes sàmbene sicau de una segada, genia de pigioledhu chi si ndhe istacat de sa pedhe (mescamente de conca); foedhandho de sa Terra, su pígiu de fora fatu de orroca, su prus fridu e tostau; sa parte grussa de is fògias (mescamente de fògias mannas ladas e longas, in mesu, de su tenaghe, o atacau a su cambu, a sa punta, o fintzes própriu su tenaghe)/ crosta de càule, de cartzofa, de bardureu = sa foza in su tretu prus russu, sa foza; crosta de gliaga, de runza, de tzerra, de conca, de carrada, de pane Synonyms e antonyms ancrosta, atiza, atògia, cadassa, freadu, muga, pagiagoda, solla, tizola / semu / costalla Sentences sa freguedha, candu est cundia, si ponit in su forru a fai sa crosta Surnames and Proverbs smb: Crosta Etymon itl. Translations French croûte English crust Spanish costra, corteza, caspa Italian cròsta, grómma German Kruste, Weinstein.