Ditzionàriu in línia
de sa limba e de sa cultura sarda

agrústu , nm: argustu Definition luo, fundhu de bide mannu fatu crèschere in calecuna mata Synonyms e antonyms arbustu*, barrali, bégula, berguladu, bidichinzu, imbragu, lú, parra, pilighinzu, pórtiu, trica, tricarju Sentences mannoi prantesit un'àlbure de péssighe in s'oru de s'agrustu ◊ un'agrustu tenia in sa corte ma no essendhe prus pudadu no fit che prima bellu e forte ◊ so inoche, in sa corte, suta de s'argustu ◊ si at inchesu unu mesu zigarru e si l'est assaporjandhe in s'umbra de s'argustu Translations French pergola English bower Spanish parra Italian pèrgola German Weinlaube.

barràli , nm: parrali Definition pértiga de bide lassada crèschere longa, cun tantas pudas, istérria in artu in puntedhos, pértigas o cannitzada e fintzes custa etotu fata po mantènnere sa bide Synonyms e antonyms agrustu, bégula, berguladu, bidichinzu, imbragu, lú, parra, pilighinzu, pórtiu, stassili, trica, tricarju Sentences de su barrali mannu teneus is cantinas prenas de pabassa… Surnames and Proverbs smb: Barrale Etymon spn. parral Translations French pergola, treille English bower Spanish parra Italian pèrgola German Laube.

bégula , nf, nm: bérgula, bérgulu, pérgula Definition canna de bide fata crèschere longa, cun pudones a meda e istérria in artu in frucàgios e pértigas (o fintzes in filos zingaos) Synonyms e antonyms agrustu, barrali, berguladu, bidichinzu, imbragu, lú, parra, pilighinzu, pórtiu, stabi, trica, tricarju Sentences at ammanitzadu unu furcalzu pro su bérgulu de s'ortu ◊ essia a giogare, a mi apicare subra de sas àrvures, in sa bégula ◊ su binu nostru est totu de ua de bérgulas Etymon itl. Translations French pergola, treille English bower Spanish parra Italian pèrgola German Weinlaube.

tríca , nf: trícia 1, triga, trija, trixa Definition bide fata a luo e coment'e a órdine artu (ma si narat fintzes de su fundhu chi si prantat in s'intrada de is domos, a costau de sa genna, e s'isterret in paris arta)/ t. rosa = trígia, calidade de àghina orrubiasta Synonyms e antonyms agrustu, barrali, bégula, berguladu, bidichinzu, imbragu, lú, parra, pilighinzu, pórtiu, tricarju Sentences s'àghina est colore de oro, càrrigas ndhe sunt sas trigas ◊ dhoi iat àniga in sa triga candu seus calaus a bidha ◊ tziu Titinu si pessavat un'Orane chin sas trícias in cada domo ◊ daghi bogaiant de cabu de triballare si abbojaiant suta de sa trija Surnames and Proverbs smb: Tricas Etymon ltn. *tric'la Translations French treille English pergola Spanish parra Italian pèrgola German Weinlaube.