Ditzionàriu in línia
de sa limba e de sa cultura sarda

cochèra , nf: coghera Definition imbriagadura mancari bona, manna Synonyms e antonyms aciumu, cispa, coichina, coidura, cota, cotzera, cotua Sentences su badalocu che fit acabbau a s'impudhile afocau in d-una cochera ◊ cos'e imbriagos no si dh'iant fata a lassare s'imbaru de sa mesa po sa tropu coghera ◊ cussu ndi at bodhiu una bella coghera Etymon srd. Translations French cuite, ivresse English drunkenness Spanish borrachera Italian sbrónza German Rausch.

coichína , nf: coighina, cuighina Definition su bufóngiu a tropu de cosa cun àrculu tanti de pigare sa conca, faet a illuinu Synonyms e antonyms aciumu, coidura, cota, cotua, imbreachera Etymon srd. Translations French cuite, ivresse English drunkenness Spanish borrachera Italian sbrónza German Rausch.