Ditzionàriu in línia
de sa limba e de sa cultura sarda

televisiòne, televisiòni , nf Definition aparíciu chi permitit de bíere is figuras, sa gente in movimentu, e de intèndhere in su matessi tempus sa boghe e is sonos mandhaos de atesu cun is undhas eletromagnéticas: totu su sistema chi serbit po arregòllere, mandhare, ispainare e arrecire immàgines e sonos / t. a colores, in biancu e niedhu; allui, istudai, artziai, abasciai sa t. Synonyms e antonyms televisore Sentences fulanu est essidu in sa televisione ◊ sa televisioni est serrendi sa buca a sa genti ◊ solu de sa televisione che giughent totu: ojos e chelvedhos! (A.Porcu)◊ obia iscí cumenti est chi si frommant cussas figuras de sa televisioni ◊ sa televisione est semper a buca aperta bombendhe paràulas ◊ sa televisioni at postu àcua po oi in Sardigna Translations French télévision English television Spanish televisor, televisión Italian televisóre, televisióne German Fernseher.