Ditzionàriu in línia
de sa limba e de sa cultura sarda

abbetuàre , vrb: abbituai, abbituare Definition pònnere un'abbitúdine Synonyms e antonyms abesare, acomunai, acostumai, arranguai, imbisciare, ingustai | ctr. disabesare, disacostumai, irbitzare Sentences daghi mi fia abbetuadu, fintzas deo partitzipaia a cussas búglias e leadas in ziru ◊ is crabas dhas ant abbituadas a si arregolli me in su corratzu e a unas a unas nci mucant totus a ingui ◊ comente mi abbituei a s'iscuru e a su filighedhu de lughe chi nos poniat fatu comintzei a distínghere umbras ◊ po Billori su bestiolu fiat cument'e unu tzerachedhu, ca dh’iat abbituau a bandai a solu a bidba Etymon itl. Translations French habituer, accoutumer English to accustom Spanish acostumbrarse, habituarse Italian abituare, assuefare German gewöhnen.

abesàre , vrb: avesai, avesare Definition pònnere s'abbitúdine, s'avesu a calecuna cosa Synonyms e antonyms abbetuare, acomunai, acostumai, afrisciai, arranguai, imbisciare, ingustai / allicare, allichionare, ingolumare | ctr. disabesare, disacostumai, irbitzare, ispònnere Sentences s'ómine de su sartu, abbellu abbellu, si avesaiat a si favedhare a solu ◊ depeus pensai a lassai dogna arratza de isperdítziu e avesai sa genti a si acuntentai de pagu Etymon ctl., spn. avesar, avezar Translations French habituer, accoutumer English to accustom Spanish acostumbrar Italian avvezzare German gewöhnen.

allicàre , vrb Definition pigare o tènnere a unu cun allicos, cun calecunu gustu, pigare gustu, pònnere abbitúdine a calecuna cosa chi praghet; pònnere apostu, arrangiare, contivigiare, tènnere contu Synonyms e antonyms abbetuare, abesare, acomunai, acostumai, arranguai, imbisciare, ingustai / allichionare, ingolumare Sentences sos pitzinnos tue los incantas e allicas cun méndhula e nintzola 2. su frutu de sa binza cheret allicadu! Translations French s'habituer, s'accoutumer English to get accostumed Spanish acostumbrarse Italian avvezzarsi, assuefarsi German sich gewöhnen.

allichionàre , vrb Definition pigare gustu, pònnere abbitúdine a calecuna cosa chi praghet Synonyms e antonyms abbetuare, abesare, acomunai, acostumai, arranguai, imbisciare, ingustai / allicare, ingolumare Sentences si fit allichionau a bidha e de andhare a campu no ndhe cheriat intèndhere (G.Piga)◊ sos pitzinnos allichionaos a su monte ghirabant a bidha ma no bidiant s'ora de dare borta Translations French accoutumer English to accustom Spanish acostumbrar Italian assuefare German gewöhnen.

arranguài , vrb: arrangulai Definition imbitzare forte, tropu (ma fortzis fintzes unu pagu orròschere), giare su cuntentu coment’e po paga Synonyms e antonyms abbetuare, abesare, acomunai, acostumai, imbisciare, ingustai / allicare, allichionare, imbitzicare, ingolumare Sentences dh'as arranguau a su cafei e immoi dhu disígiat sempri ◊ mancai aresti, cussu gatu, chi dh'arranguais gei si lassat pigai ◊ su pipiu est arranguau a sa tita e no bollit àteru 2. est arranguau a s'àtera parti de su mari 3. femu giai arranguendimí, telefonendi sentza de podi pigai sa línia! Translations French habituer, accoutumer English to accustom Spanish acostumbrar Italian avvezzare German gewöhnen.

avesadúra , nf Definition su si avesare, su pònnere abbitúdine Synonyms e antonyms abesada, abesu, imbitzu / cdh. avitzatura Etymon srd. Translations French accoutumance English using Spanish el acostumbrarse Italian avvezzaménto German Gewöhnen.

imbisciàre , vrb: imbissai, imbitzai, imbitzare, immitzare Definition pònnere calecunu imbitzu, calecuna abbitúdine a cosa chi praghet Synonyms e antonyms abbetuare, abesare, acostumai, imbitzicare, ingustai | ctr. irbitzare, ispònnere, isvisciare Sentences su dinare imbísciat sa zente ◊ pro l'ammasetare l'at imbitzadu cun bucones licantzos ◊ como chi l'as imbitzadu a sa fae, s'àinu no cheret paza ◊ no mi dhu pedas prus, no t'imbissis! ◊ de candu si est imbitzau no ndi dhu podeus istorrai ◊ immoi, ca si funt imbitzaus a totu custas cosas bonas, is turistas torrant! Etymon srd. Translations French habituer, accoutumer English to accustom Spanish acostumbrar Italian avvezzare German gewöhnen.

ingustài, ingustàre , vrb Definition pigare gustu a calecuna cosa e pigare o pònnere s’abbitúdine a dha fàere Synonyms e antonyms abbetuare, abesare, acomunai, acostumai, arranguai, imbisciare, imbitzicare / allicare, allichionare, ingolumare | ctr. irbitzare Sentences a pipiu no ingustis e a béciu no disgustis! ◊ imbeces de m'ingustare a sos carignos, como fipo istétiu nessi vivu e forte! ◊ po ingustare sos pitzinnos bis imparat a fàere benas e pipiolos, a dhos sonare e a cantare 2. unu matzone fit ingustadu a su pudharzu e che furaiat sas menzus pudhichinas Etymon srd. Translations French accoutumer English to inure Spanish habituar Italian assuefare German gewöhnen.