còscia , nf: (cò-scia)
cossa Definition
sa camba de s'annoigadórgiu de su benugu a sa nàdiga, sa parte prus grussa e pruposa / min. cossichedha, cossita
Synonyms e antonyms
perra
Idioms
csn:
s'ossu de sa c. = itl. fèmore, ossu longu e russu chi de s'annugradorzu de su benugru andhat a s'annugradorzu de sa croca; sa rughe de sa c. = su tretu inue sas cossas si aunint apare faghindhe un'arcu; sa nughe de sa c. = su murudhu de sa purpa prus neta, in sa cossa (mescamente faedhendhe de peta masellada); frenugu ’e còscia = infetu a sas ràndhulas de ímbenas; s'ata de sa c. = ímbenas; sa parti de aintru de sa c. = vavatza; èssere a c. (nau de una cosa) = meda, de lòmpiri a còscias, a ginugu; c. alluta = nadu de unu, feminari, sempre in chirca de cobèrrere; sèciri a isperraincòscia = a s'imperriotu, a cadhu; esserebbei su fàmine a rugh'e cossa = a cossa, a meda; pigare a un'àrbure a cossa = a perrinzu, isconsciandho su truncu e istringhendho po arrèschere
Sentences
si seciat dónnia tantu, cun is manus in còscias, narendu ca dhi doliant is pei ◊ de sa còscia de su procu ndhe faiant su presciutu
2.
bi fit su ludu a cossa in su caminu ◊ in cussu logu bi est su fàmine a cossa
3.
balentiedha sa chi at fatu… ch'est pigadu a cossa a un'àrbure de mudregu!
Surnames and Proverbs
smb:
Cossa
Scientific Terminology
crn
Etymon
ltn.
coxa
Translations
French
cuisse
English
thigh
Spanish
muslo
Italian
còscia
German
Oberschenkel.
murudhàle , nm Definition
s'ossu mannu, grussu e longu de sa còscia, de s'annoigadórgiu de su benugu a sa croca (incàsciu de s'ossu de su lumbu): sa conca chi incàsciat si narat balladore (itl. testa del fèmore)
Synonyms e antonyms
cdh. marudhali
Scientific Terminology
crn
Etymon
srd.
Translations
French
fémur
English
thigh-bone
Spanish
fémur
Italian
fèmore
German
Oberschenkel.