chèlta , nf: cherta 1, chesta Definition su cricare; fintzes su seberare cosas diferentes Synonyms e antonyms busca, chilca / sceradura Sentences cussos dannarzos no sunt in cherta de si pentire! ◊ andhabat chin sa bertuledha in cherta de si buscare carchi cosa ◊ nemmos est in cherta de secare preda ◊ no soe in cherta de pèrdere tempus: cherjo trabballare! ◊ sunt in cherta de sa sorte ◊ so in cherta de mi cojubare Etymon srd. Translations French recherche English search Spanish busca Italian cérca, ricérca German Suche.

chílca , nf: chirca, cica 1, cilca, circa, crica 1 Definition su cricare (cosa pérdia, cosa chi serbit o chi si bolet ischire), su andhare in giru a dimandhare dinare o àteru a sa gente fintzes po comporare: si narat fintzes de sa cambarada de is personas essias po cricare Synonyms e antonyms busca, chelta, chirchera, circalla Idioms csn: essire in c. = andai a circai, fai sa circa; sa c., sas chircas, de chenàbura santa = portessione chi si faghet sa chenàbura santa, cun Nostra Sennora, pro chircare a Zesugristu; c. de bestiàmine furadu = mancamentu; para de cica = padre chircante; èssere, no èssere in c. de carchi cosa o de calicunu = bòlliri, no bòlliri ccn. cosa (in c. mia, tua, sua, nostra, bostra, issoro) Sentences candho aia tempus andhaia cun sos canes in chirca de murones (A.Casula)◊ est in chilca de tzertesa ◊ custu fut unu giòvunu in circa de meri ◊ su comitadu est faghindhe sa chirca pro fàghere sa festa ◊ in bidha faint sa circa po sa festa de is bagadius ◊ si ponint in circa amigus e parentis ma no dh'ant agatau ◊ si no bi at chirca, sa cosa si bendhet a sa frundhida! ◊ cussa famíllia est in chilca de una terachedha 2. sa crica totu a unu fiotu fiat de giòvanos e antzianos e bene armada 3. sas arracadas chi ti apo comporadu ti las apo cambiadas in chirca de ti cuntentare ◊ eo siguzo chito onzi manzanu in chirca de achipire ◊ sos zòvanos no sunt in chirca tua: a cojare cherent zente zòvana etotu! ◊ in chirca de nudha so: deo isto bene goi! Etymon srd. Translations French recherche, quête English begging Spanish busca Italian cérca, ricérca, quèstua, richièsta German Suche, Bettelei.

«« Search again