Ditzionàriu in línia
de sa limba e de sa cultura sarda

ambadúos, ambadús , agt, prn: amborduos, ambosduos, ammaduos Definition ambos duos (f. ambas duas): unu e àteru, duos leaos impare Synonyms e antonyms ambos Sentences dhi ant curau is ogos ambaduos ◊ tui ses prus pràticu de mei in ambaduas cosas Translations French les deux English both Spanish ambos, los dos Italian entrambi, ambedue German beide.

àmbos , agt, prn Definition unu e àteru, duos leaos impare (f. ambas) Synonyms e antonyms ambadús Sentences colli s'olia cun ambas manos, ca achipis meda! ◊ su pràtigu a iscríere a màchina ponet ambas manos ◊ ne s'unu e ne s'àteru aiant dinari e cudh'ómine perdoneit ambos duos dépidos 2. bos iseto ambos a bustare, tenzo de arrejonare cun isse ma as a èssere presente finas tue ◊ no bidiamus s’ora ambas duas, ceo de intèndhere e issa de contare Etymon ltn. ambos Translations French les deux English both Spanish ambos Italian entrambi German beide.