Abbreviations Legenda | Symbols Legend

innudàre , vrb: isnuare Definition bogare totu su bestimentu, fàere o lassare nudu a unu, leare s'ammontu o àteru chi serbit a carragiare; fintzes brivare de sa cosa, leare a unu su chi tenet, pèrdere totu o abbarrare cun tropu pagu Synonyms e antonyms nudai, ispollincare / iscucuzare | ctr. bestire Sentences bos innudades e si bidides s'erighina non bos ndhe la catzedas a istratzadura ◊ a su malevadadu l’aiant assachiadu e inzurzadu, che l’aiant bogadu a fora dae sa sita e innudadu 2. paja de pudhas aiant prenatu sa corte, carcarianne, chin sas alas innudatas che funnos ispozatos Etymon srd. Translations French dénuder English to strip Spanish desnudar Italian denudare German entblößen.

iscucuzàre , vrb: iscuguzare, iscuzicare Definition tròchere o trantzire s'ammontu o calesisiat cosa chi ndhe carràgiat un'àtera; fintzes iscobèrrere cosa chi no s'ischiat Synonyms e antonyms immantare, iscugudhai, isfianzare, ispannuliare, scavannai | ctr. ammantai, carragliare, iscumpannare Sentences no t'iscuguzes ca est faghindhe fritu ◊ su colore de sa pedhe pariat prus iscuru de su grogore de s'arbéschia chi iscuzicabat sas pedulias chi ammorgodhabant sa domo 2. in istiu amus iscuguzadu sa domo pro fàghere sa cabertura noa ◊ iscuguza sa padedha e bètache sos macarrones! 3. lu teniant unu mese in s'ispidale e chentza pòdere iscuguzare ite teniat Etymon srd. Translations French découvrir, se découvrir English to uncover, to throw off one's clothes Spanish destapar Italian scoprire, scoprirsi German abdecken, sich entblößen.

isfruníre , vrb: isfurnire Definition pigare totu, consumare, ispaciare, finire su frunimentu, sa cosa chi si tenet, lassare chentza nudha / i. s'ortu = istrúere s'ortu, collírendhe totu, sciortuai; isfrunire s'ispiga = scravigai Synonyms e antonyms burrusciare, consumai, spaciai Sentences in mesu de su piúere de sa vida sos valores umanos che imbolamus, tzegos e surdos sos falsos chircamus isfrunendhe sa tanca fiorida (A.Porcheddu)◊ su tempus, che abba in sos fiores, sutzat sa vida, isfrunit sas pretesas! Translations French dénuer, consommer English to deprive Spanish desabastecer, desproveer Italian sfornire German entblößen.

speturriài , vrb: ispetorrare*, spiturriai Definition bogare is petorras fora ibbutonandho su bestimentu, ispogiare is petorras, istare a petorras nuas Synonyms e antonyms sborciai Sentences si spitúrriat sa camisa e nci fait arrui a terra su chi iat cuau in piturras Translations French découvrir sa poitrine English to throw off one's breast clothes Spanish despechugarse, descubrir el pecho Italian scoprirsi il pètto German die Brust entblößen.

«« Search again