Abbreviations Legenda | Symbols Legend

iscogliàre , vrb: iscolgiare, iscolzare, iscorgiai, iscorgiare, iscorjare, iscorzare, iscrogiare, iscroxai, scorgiai Definition bogare o tirare sa pedhe, su córgiu, a un'animale mortu, nau fintzes in cobertantza po isfrutare meda a ccn.; ispuligare frutos o àteru (morisca, patata, castàngia)/ iscolzare un'imbriaghera, una maladia = isturdire, irbentiare, bínchere una maladia Synonyms e antonyms ispedhare / iscorgiolare, scogorgiare, spilloncai / passai, scexiai Sentences su pastori fiat iscroxendi unu pegus mortu ◊ custa pàtria mischina si la sunt iscorzendhe che sacaju ◊ chini no iscít iscroxai istampat o fait taca a sa pedhi ◊ soi iscorgiandu patata po su pràngiu 2. cresciat sa miséria de chini si fut iscroxau po pagai is abbogaus ◊ sos batulinos cherent istitados ca sunt iscorzendhe sa mama! ◊ tocat a bos'iscidareis, cinono bos acabbat de iscorgiari! 3. sa muschera iscòrgiat, ma su gadhighinzu est malu a iscorgiare! 4. su pratu de ferrusmaltu est totu iscroxau Etymon srd. Translations French écorcher, dépouiller English to flay Spanish despellejar, desollar Italian scuoiare German häuten.

iscorjadúra , nf: scorgiadura Definition su iscorjare; tretu iscorgiau, ispigiolau, rasigau Synonyms e antonyms ispedhadura Etymon srd. Translations French écorchement English flaying Spanish desolladura, desollamiento Italian scuoiaménto German Häuten.

ispedhàre , vrb: ispedhiare, spedhai Definition tirare o bogare sa pedhe a s'animale mortu e fintzes bochíere; bínchere totu sa posta a su giogu / ispedhiare s'ànima a unu = ofèndiri, pigai a s'ànima, a dónnia logu Synonyms e antonyms iscogliare, ispellitzare / ispedhire, spilossai Sentences l'aia pótida ispedhiare, sa guàrdia, ma apo pessadu a sa pitzinna ◊ a cussu che dh'ant ispedhiadu ca fit malu 2. che li apo ispedhadu totugantu, zoghendhe a cartas! Etymon srd. Translations French écorcher English to skin Spanish desollar Italian spellare, scuoiare German häuten.

scorgiài, scorgiàri , vrb: iscogliare*, scroxai Definition tirare sa pedhe, bogare su córgiu a un'animale bochitu, ma nau fintzes in cobertantza po isfrutare meda; ispuligare, segare su corgiolu a unu frutu o cosas deasi (figumorisca, patata, castàngia, ou), istacare su corgiolu a is linnas Synonyms e antonyms iscorgiolare, spilloncai | ctr. incroxolai Idioms csn: scroxai morisca, aràngiu (o àteru frutuàriu cun corza) a ordixi = a ungras, a manos, chentza lepa (tiat èssere a s'aurdixi) Sentences boghit a pillu su dinai chi mi depit o dhu scroxu a us'e conillu! Translations French écorcher English to skin Spanish desollar Italian scorticare German abdecken, häuten.

«« Search again