Ditzionàriu in línia
de sa limba e de sa cultura sarda

arrepènte, arrepènti , agt: repente* Definition chi benit o chi si faet totinduna, lestru meda, in d-unu sinnu / avb. de a. = totinduna, de botu, totu a unu corpu Synonyms e antonyms subbitanu 2. morri de arrepenti ◊ chie morit de arrepente, chie si ochiet issu etotu e chie dh'ochiet àtera zente Translations French soudain English sudden Spanish repentino Italian improvviso, repentino German plötzlich.

bótu 1 , avb: buta Definition de botu = de istrémpiu, a corpu Sentences candu dh'ant bistu si ndi funt pesaus de botu ◊ mi ant de botu giradu sas palas! ◊ m'ischidesi nervosu de unu botu ◊ su chelu si fit inchimeradu e caleit de botu sa irada de s'abba ◊ mancai surpréndiu de buta, candu su cuadhu si est postu a curri, no si fiat pérdiu de ànimu ◊ comente apo bidu deai, mi ndhe peso de botu, curro a sas bestes e mi pijo totu Surnames and Proverbs smb: Butta Translations French brusquement, tout à coup, soudainement English suddenly Spanish de repente Italian di scatto, all'improvviso German plötzlich.

desucúnas , avb: desuncuna, desuncunas Definition de un'improntu, de irbotu, de botu, de repenti, a s'ispessada Synonyms e antonyms desupetoni, induninduna, totinduna Sentences bella madixedha, ti poniast in is pértias de sermentu e desuncuna ti fuias ◊ sa morti est arribbada desuncuna ◊ si ndi fiat istrantaxau desuncuna coment'e una molla ◊ si fiat firmau de suncuna totu ispantau e iat fatu cuatru passus a coa ◊ sa tristesa de sucunas ndi dhi fuat torrada a apillai in sa faci Translations French soudainement English suddenly Spanish de repente, de pronto Italian improvvisaménte German plötzlich.

impróntu , avb Definition de un'i. = induninduna, a s'ingrundha Synonyms e antonyms aprontu 1, improntuitu, induninduna, totinduna Sentences faghet otavas de improntu ◊ a s'improntu est rutu mortu ca l'ant isparadu! ◊ sas féminas, de un'improntu, si ponent a irgrighillare che disatinadas Translations French soudainement English suddenly Spanish de repente Italian improvvisaménte German plötzlich.

indunindúna, indunindúnu , avb Definition totu a unu cropu e fintzes chentza si dh'ibertare, a s'ingrundha, de repente Synonyms e antonyms desucunas, innuna, totinduna Sentences issu fit giambendhe: mi ndhe abbizaia dae su mudímine chi li beniat induninduna, de calchi momentu de isvàriu o de una foscigada de mutzighile Etymon srd. Translations French soudainement English suddenly Spanish de repente Italian improvvisaménte German plötzlich.

sartissàrtis , avb Definition nau pruschetotu de sa manera de s'ischidare, a cropu, coment'e sartandho, giagaraos, apustis de unu bisu légiu chi faet assicare Synonyms e antonyms isartisarti Sentences si nch'est ischidada sartissartis ◊ fit mesu dormidu, candho unu tochedhu che l'at ischidadu sartissartis (L.Pusceddu) Etymon srd. Translations French en sursaut English with a start Spanish de sobresalto Italian di soprassalto German plötzlich.

subbitànu , agt Definition chi acontesset de suncunas, a s'ingrundha Synonyms e antonyms arrepente Sentences est mortu de mala morti subbitana ◊ Deus ti ndi campit de morti subbitana! Etymon itl. subitano Translations French soudain English sudden Spanish repentino, súbito Italian subitàneo German plötzlich.

totindúna, totindúnu , avb: totuinunu Definition de un'improntu, a s'ingrundha, de repente Synonyms e antonyms desucunas, induninduna Sentences pagu s'ora sos campos fint che mare acuiladu, ma totinduna si at pesadu bentu ◊ est una cosa chi ti benit chene mancu ti ne abbitzare, totindunu ◊ totinduna chi est andhendhe, custa màchina, si frimmat e no andhat prus ◊ totindunu chi est arriendi dhu bis prangendi! ◊ totindunu sa pitzinna l'at preguntadu: Tue a mi crees? Translations French soudainement English suddenly Spanish de repente Italian improvvisaménte German plötzlich.