apefessionàre , vrb Definition migliorare, fàere bene una cosa a manera de essire méngius, perfeta, chentza difetu Translations French perfectionner English to perfect Spanish perfeccionar Italian perfezionare German verbessern.

corrígiri , vrb: currègere, curregi, currèxere, currèzere, currígiri Definition giare annestru, educatzione; cassare e bogare a fora is fadhinas, is ibbàllios de un'iscritu, de unu trebballu, de unu fàere o cumportamentu e po cussu cambiare su chi andhat male a comente andhat bene o podet andhare méngius Synonyms e antonyms ammonestai, annestrare, curregire Sentences cussa est zente sentza currégia ◊ custa vida no dha bàliu prus: o dhu curregis, a fillu tuu, o mi ndi andu de domu! 2. mamma mi azuaiat a fàghere sos disignos, mi leaiat s'istória e mi curreziat sos suntos ◊ seo duas oras iscridindhe e currezindhe ◊ in custu libbru de Saba ndi essit pagu cosa de curregi Surnames and Proverbs prb: chie su fizu no currezet, lu ódiat Etymon itl. Translations French corriger English to correct Spanish corregir Italian corrèggere, rettificare German verbessern.

imboníre, imboníri , vrb Definition pònnere o cambiare in bonu, in méngius (fintzes de petza in sa carena); su pesare de sa pasta cun su frammentu (foedhandho de fémina, improssimare)/ imboniu = (nau de su forru) chi est a puntu giustu de budhiore po còghere su pane Synonyms e antonyms abboniare, ammellorai / pesare | ctr. pejorare Sentences est beniu po imboniri is trevessus e po dhus agiudai a pentzai coment'e is giustus ◊ su tempus si nche fit imboniu ◊ sa robba in s'ebra meda si est imbonia in d-una cuindixada ◊ s’ómine si est imboniu che porcu in tula de landhe 2. sas féminas mutias pro azuare a fàchere sa cota fint paraas ispetandhe a imbonire sa pasta 3. Fulanu at imboniu sa muzere Etymon srd. Translations French améliorer English to improve Spanish mejorar Italian migliorare German verbessern.

ismendhàre , vrb: smendai Definition agiustare su cumportamentu, pònnere arremédiu, iscontare, pagare su male fatu, is pecaos Synonyms e antonyms mendhare, corrígiri Sentences cales sunt sos pecados, sos orrores chi azis in sa cuscénscia a pizu apare, pro los chèrrere che màrtire ismendhare cun ijerros de fritu e de dolore? (A.Dettori) Etymon srd. Translations French corriger English to amend Spanish enmendar Italian emendare German verbessern.

mediàre , vrb Definition essire o fàere méngius, prus bonu, agiustare, agatare rimédiu, nau fintzes in su sensu de cambiare in méngius su cumportamentu, is maneras de fàere Synonyms e antonyms abboniare, arranzare, megliorai, remediare | ctr. impeorai, pejorare Sentences chin cantu ghetamus apare, tota bida, no mediamus mai! ◊ su bisonzu ch'est andhau: semus mediandhe totus! ◊ pro mediare onzi male sezis pronta meighina ◊ in custa netzessidade no ischimus comente nos mediare! 2. su ditzu antigu narat gai: Mala ratza no médiat mai ◊ si s'errore podio mediare, Columba, de ti tènnere a muzere!…◊ so andhau abbissi la podio mediare Translations French s'améliorer, se corriger English to improve, to correct oneself Spanish mejorar, corregirse Italian migliorare, corrèggersi German verbessern (sich).

megliorài , vrb: ammellorai, melliorai, mellorai, mengiorai, metzorare, mezorare, milliorai Definition essire o fàere méngius, prus bonu, fàere mezoros, òperas de bonu Synonyms e antonyms abboniare, agiuventare, mediare | ctr. impeorai, pejorare Sentences su malàidu est mezorendhe die cun die ◊ s'innétiat su terrinu pro mezorare s'incunza ◊ cun cussu dinari faghimus tribàglios e mezoramus sas carrelas ◊ pentzade a comente pòdere mezorare sa Sardínnia! Etymon ltn. meliorare Translations French améliorer, s'améliorer English to better Spanish mejorar Italian migliorare German verbessern (sich).

«« Search again