Ditzionàriu in línia
de sa limba e de sa cultura sarda

sèndhe, sèndi, sèndiri , bvrb: essendhe, senne, senno Definizione ger. de su vrb. èssere/èssiri impreau cun valores diferentes (es. tempus, càusa, àteru)/ sendhe chi… = sigomente, fintzes si…; send'èssi = sendhe, essendho Frasi iant bistu sa morti ananti, sendi acanta de pari in sa trincea ◊ sendhe deo a s'ispensada, si che ant furadu sa crabita ◊ s'abe sendhe biendhe in sa saba s'infundhet un'ala (P.Pisurzi)◊ senne ischidu sonnienne mi pariat chi intennia…◊ apu trabballau de sendi piciochedhu ◊ custos sunt ammentos de sendhe pitzinnu ◊ mi ammento, senno pitzinnu minore, chi tia Maria mi at nadu…◊ si fatzu unu burdu sendi bagaria at a èssi destinu chi depia passai! ◊ candho fit fachendhe custu fit dormiu o, sendhe nono, fit ridendhe e l'at lassau comente est issiu (T.Ziranu)◊ apu mancau sèndiri pipia ◊ Barore, dae sendhe giovanedhu ti ant intesu cantendhe a poesia (Piredda)◊ ruet e morit sendhe forte e sanu ◊ send'èssi dromiu su pastori, margiani at assartillau is angionis ◊ ancora mi bisu send'èssi pipiu! 2. sendi ca fustis unu pagu allirgus eus nau unas cantu tontesas ◊ Limbudu istat cagliadu sèndheche sutzessu custu?! ◊ sendhe chi tenzo resone, aite sighis a perricare? ◊ no mi as chérfidu dare abba sendhe chi fipo sidiu ◊ sendhe chi fit prus forte de mene l'apo rutu ◊ Malunedhu Curustu, sendhe chi est ricu e sanu, est semper chin su murru ◊ Fulanu est megnus cogiuau, senno ca fut unu peus de me ladrone e preiciosu!