borrícu , nm: burricu,
burrincu Definizione
animale mannu, de sa matessi genia de su cuadhu, ma de carena meda prus pitica, giua a pilos prus curtzos, a origas mannas, unga totu a unu, de naturale unu pagu tostorrudu, pesau e domau po si ndhe serbire a trebballare, cicire a cuadhu, carrare cosa: arratza distinta su b. sardu, de carena pitica (prus che àteru in colore de castàngia, ma agiummai biancu in bentre), e mescamente cussa de s'ísula de S'Asinara, areste e de intina biancu deunudotu; nau a befa, chie no atuat a sa cosa, no pentzat, e tocat sèmpere a si dha nàrrere
Sinonimi e contrari
àinu,
burràgliu,
burriolu,
cocinedhu,
cocitu,
cotzi,
mobenti,
poledhu,
uncónchinu
/
pudhérigu
Frasi
burrincu dhu tenit a víssiu a mossiai ◊ tue ti ndhe riaias, isconculendhe che a su burricu! ◊ su burricu pistincat sa coa e is ogus po istesiai sa musca ◊ insèdhadi su borricu e fala a bidha!
2.
tui e sa burrica de gomai… duas!
Cognomi e Proverbi
prb:
a isciacuai sa conca a su burricu si nci perdit tempus e saboni
Terminologia scientifica
anar, anall, equus asinus
Etimo
spn.
Traduzioni
Francese
bourrique,
ânon,
bourricot
Inglese
ass
Spagnolo
borrico
Italiano
somaro,
asinèllo
Tedesco
Esel,
kleiner Esel.
polédhu , nm: polledhu,
puledhu,
pulledhu Definizione
(f. -a) su molente, pruschetotu su piticu fintzes a calecun'annu; in cobertantza, cristianu pagu abbistu, pruschetotu ignorante / bogàreche a ccn. (autoridade) a cadhu a p. = bogarechedhu faendhodhu a bregúngia, comente faet sa gente candho no ndhe podet prus
Sinonimi e contrari
àinu,
borricu,
burràgliu,
chidolu,
mobenti,
polu 1,
uncónchinu
Frasi
no podiat acatare su poledhu e fit comintzandhe a pessare a su malu ◊ de sínnicos nche ne bocaiant unu donzi tres meses a cadhu a poledhu ◊ apas vintichimbe puledhas e totu pudhericadas!
Cognomi e Proverbi
smb:
Poledda
Terminologia scientifica
anar, anall, equus asinus
Etimo
ltn.
*pulellu(m)
Traduzioni
Francese
ânon,
bourriquet
Inglese
little ass
Spagnolo
borrico
Italiano
asinèllo
Tedesco
kleiner Esel.