Ditzionàriu in línia
de sa limba e de sa cultura sarda

sírcu , nm: suilcru, suírciu, suircu, suirgu, suiscu Definizione su tretu de sa carena asuta de su bruncu de su codhu, tra su bratzu e su costau Sinonimi e contrari sorbicu*, subacani, subercu 1, sutasuercu, troecu / cdh. suilcu Frasi non torraiat a domo sentza nudha: non li mancaiat s'imbóligu suta su de suircu ◊ intenniat su sudore gutiànneli in suta de sos suilcros ◊ giuchet sa canistedha in su sircu ◊ che poniamus sas manos suta de sos suírcios pro nos las caentare Terminologia scientifica crn Traduzioni Francese aisselle Inglese armpit Spagnolo axila Italiano ascèlla Tedesco Achselgrube.

sorbícu , nm: surbicu, survicu Definizione su tretu pilosu de sa carena asuta de su codhu, in artu tra su bratzu e su costau Sinonimi e contrari sircu, subacani, subercu 1, troecu Frasi si nch'est pesau ritzu a iscannedhu suta de su sorbicu ◊ si la sunt ridendhe a gúrpinu, a pódhiches in surbicos ◊ sos pitzinnos falavant chin su cocone astrintu a su survicu Terminologia scientifica crn Etimo ltn. subhircus Traduzioni Francese aisselle Inglese armpit Spagnolo axila, sobaco Italiano ascèlla Tedesco Achsel.