Legenda Abbreviazioni | Legenda Simboli

afachiàda , nf Definizione su afachiare, su ammuntonare cosa e mescamente àliga cun s'iscova Sinonimi e contrari mundhada, scovada Frasi dae un'afachiada a s'arga! Etimo srd. Traduzioni Francese coup de balai Inglese sweep-out Spagnolo barrido Italiano spazzata Tedesco Kehren.

iscòba , nf: iscopa, iscova, scova Definizione genia de aina chi s'intrat in punta de unu bàculu, totu a fròngias cracas e fines po mundhare àliga passandhodha in terra a frigadura; sa carena, su chi abbarrat de unu gurdone de àghina apustis bodhiu su pibione; in su giogu a cartas, genia de bínchia chi si faet pinnigandhondhe totu is cartas chi funt in terra; a logos iscopa est una tupighedha bona po meighina, sa Ephedra nebrodensis)/ crezes de iscoba: de risu (lada), de parma (tundha), de castannarju, de matricúsia (pro arga de fora de domo); Bernardu mi at bistu, iscovas de forru = si narat de su tramposu chi no pagat o no torrat su chi depet; min. iscovighedha Sinonimi e contrari iscóbulu Frasi at a tocai a giai una passada de iscova innòi puru ◊ tratant s'iscoba pro mundhare sas alzolas Etimo ltn. scopa Traduzioni Francese balai Inglese broom Spagnolo escoba Italiano scópa Tedesco Besen.

iscobalzòla , nf: iscobarzola, iscoparzola Definizione iscova de argiola: genia de iscova fata cun naes de sida fine acapiadas impare po mundhare fora de domo e prus che àteru àliga grussa (es. sa pàgia de su muntone de su trigu, s'àliga de is orrugas) Sinonimi e contrari frascone, frutuosa, scovàciu Frasi a ndhe at de aju mundhendhe sa frommija cun s'iscobarzola pro no che li leare su trigu!…◊ sos mundhadores de s'impresa mundhant a iscobarzola in tzitade Etimo srd. Traduzioni Francese balai de bruyère Inglese broom Spagnolo escobón, balea Italiano ramazza Tedesco Reisigbesen.

iscóbulu , nm: iscópulu, iscóvulu Definizione iscova de domo, aina de pramma o de àtera cosa finevine acapiada a matzu tundhu e intrada in d-unu fuste po mundhare o pinnigare àliga passandhodha a tragadura / sa parte de s'i. ue s'intrat su bàculu: tanaxi; su pl., iscóbulos, itl. saggina, calidade de Sorghum vulgare, genia de laore chi faet artu che a su moriscu (e dhi assimbígiat puru) ma cun su frore a iscoba, totu a chimas finedhedhas e longas ue faet su sèmene a meda, e bonu po fàere iscobas mannas ciatas a sa parte de mundhare; lassare a ccn. chin s'iscóbulu in mesu domo = in campu e in crachi (itl. piantare in asso) Sinonimi e contrari iscoba Frasi inoghe che cheret dadu una colada de iscóbulu a che collire s'arga ◊ fue in lestresa o ti bisestro a corpos de iscóbulu! ◊ dadhi una passadedha de iscóvulu po ne arregòllere sa lana! ◊ si intrat unu póveru ndhe lu vocant a corfos de iscópulu Etimo srd. Traduzioni Francese balai Inglese broom Spagnolo escoba Italiano scópa Tedesco Besen.

«« Cerca di nuovo