Legenda Abbreviazioni | Legenda Simboli

bellèsa , nf Definizione sa calidade de su bellu, su èssere bellu; nau in cobertantza, atzione male fata / betare b. a ccn. (nau de babbus e mamas chi dhis essit fillu/a bellu/a) Sinonimi e contrari belliori, bellura, ermosura | ctr. feura, legiori Frasi sa bellesa serbit petzi pro pompa bódia (S.Spiggia)◊ fit sa matessi bellesa: una bellesa gai chie ndh'aiat bidu? ◊ custu modhitzosu… sa mellus bellesa de biri! ◊ a séighi annos fist una bellesa! ◊ sa bellesa sua est s'acisu de totu sos coros! ◊ dhi fiat partu de biri una cara bella, de una bellesa durci cantu trista 2. ite bellesa a li fàghere cussa música in carrela sendhe chi est a lutu friscu!…◊ ite bellesa si aia acusadu un'innossente!…◊ is frastimus suus setzint che una bellesa! Cognomi e Proverbi prb: bellesa no fait domu ◊ bellesa est mesu doda Etimo spn. belleza Traduzioni Francese beauté Inglese beauty Spagnolo hermosura, belleza Italiano bellézza Tedesco Schönheit.

belliòri , nm: belloi, bellore 1, bellori Definizione su èssere o pàrrere bellu de unu o de una cosa Sinonimi e contrari bellesa, bellura Frasi giaiedhi custa ampudhitedha, chi si bufet custu ca dhi torrat su bellore ◊ de su rampu ue apo tentu vida, profumu e bellore cun terríbbile furore mi ndh'at divisu su bentu (B.Masala)◊ s'infiammante bellore sa vista mia abbagliesit ◊ ti arregordas su bellori de su logu nostu ◊ tantu belloi bos at formau chi ammirau si nd'istesit Etimo itl. bellore Traduzioni Francese beauté Inglese beauty Spagnolo hermosura, belleza Italiano bellézza, beltà Tedesco Schönheit.

donosidàde, donosidàdi , nf Definizione su èssere donosos, nau mescamente de sa bisura, de sa manera de fàere e de si mòvere Sinonimi e contrari dechidesa, ermosura, galania | ctr. legesa 2. su beranu at bestidu de donosidade acisadora totu sa cussorza Traduzioni Francese beauté, charme Inglese prettiness Spagnolo donosidad Italiano graziosità, avvenènza, leggiadrìa Tedesco Anmut.

ermosúra , nf: ermusura Definizione su èssere bellos de bisura Sinonimi e contrari bellesa, dechidesa, donosidade, galania | ctr. legesa Frasi imprimida est in me sa tua rara ermosura (P.Mossa)◊ bi at pisedhas ricas d'ermosura ch'incantant a sa mirada (B.Pira)◊ cantu su mare at richesa tue tenes ermosura ◊ po sa bella ermusura paris unu buchetu Etimo spn. Traduzioni Francese beauté Inglese beauty Spagnolo hermosura Italiano bellézza Tedesco Schönheit.

nèa 1 , nf, nm: neu Definizione pintirighinu de diferente colore in sa pedhe, una genia de cancru (po su prus nudha de malu, ma a bortas, candho si tzucat a crèschere, malu e de bogare impresse); foedhandho de linnas o de frutuàrios, genia de nodighedhu; foedhandho de su fàere, de su cumportamentu, pecu, difetu Sinonimi e contrari negru, ula 2. prima fis sentza unu neu, como ses totu perfia! (I.Virdis) Etimo ltn. neus Traduzioni Francese grain de beauté Inglese naevus (spot) Spagnolo lunar Italiano nèo Tedesco Muttermal, Mal, Schönheitsfehler.

«« Cerca di nuovo