Ditzionàriu in línia
de sa limba e de sa cultura sarda

baúle , nm: bauli, baullu, baulu Definizione sa càscia inue si ponet su mortu po che dh'interrare; in giogu a cartas, tres o bàtoro cartas oguales de númeru e figura diferente (crica de cartas) chi no lassant isvilupare su giogu (giogai a baulus) Sinonimi e contrari càscia Frasi su coro meu e tou los potant interrare totu in d-unu baule! ◊ po tragai su baullu a s'interru ant lamau a tziu Palabbàscia e su baullu pendiat a un'anca e is atrus tres teniant istrobbu! Cognomi e Proverbi smb: Baule, Baullu Traduzioni Francese bière, cercueil Inglese coffin Spagnolo ataúd Italiano bara Tedesco Sarg, Bahre.

bírra , nf Definizione genia de bufóngiu prus che àteru lenu, de colore grogànciu, chi faent de s'órgiu incubonau / bufai una b. = bufai un'ampudha, un'ampudhita de b. (assinuncas, bufai una tassa de b.); ampudhita de b. = birrotza Frasi bandu e mi bufu una birrotza! Terminologia scientifica bfg Traduzioni Francese bière Inglese beer Spagnolo cerveza Italiano birra Tedesco Bier.

birrichèdha , nf Definizione min. de birra po ampudhita de birra Traduzioni Francese petite bière Inglese little bottle of beer Spagnolo cerveza pequeña Italiano birroncino Tedesco Seidel.