Legenda Abbreviazioni | Legenda Simboli

bolàdiga , nf, nm: bolàntiga, bulàdiga, bulàdigu Definizione arangixedhu arrúbiu, samucu de cogas, genia de matighedha a linna modhe, frutighedhu toscosu bonu fintzes po meighina Sinonimi e contrari sambinzu Terminologia scientifica mt, Euonymus europeus Etimo ltn. volaticus Traduzioni Francese bonnet de prêtre, bonnet carré Inglese priest cap Spagnolo bonetero Italiano berrétta da prète Tedesco Pfaffenhütchen.

bonète, bonètu , nm: bonnete Definizione genia de trastu de pònnere in conca, is ómines, a visiera crutza Sinonimi e contrari cicia / cdh. bunetu Frasi candho saludat si catzat su bonete ◊ comente est intradu a crésia si at catzadu su bonete Terminologia scientifica bst Traduzioni Francese bonnet Inglese cap, beret Spagnolo gorro Italiano berrétto Tedesco Mütze.

cabbúsciu , nm: cambúciu 1, cambúsciu, cambussu Definizione genia de bonetedhu o careta chi ammontat totu sa conca de su pipiu lassandho solu sa cara (ma dhu ponet fintzes gente manna); segundhu su costúmene, genia de careta po aguantare is pilos arregortos Sinonimi e contrari cabiscione, cambussinu, careta / capiabi, iscafiotu Frasi tocat a preparai is cambuscedhus, is pannitzus e is latzadas po su pipiu ◊ seu acabbendi su cambúciu po su pipiu ca est acanta a nàsciri 2. a fustei no dhi fidamu mancu su pisitu a cambúsciu! Terminologia scientifica bst Etimo ctl. cambuix Traduzioni Francese bonnet Inglese little cap, bonnet Spagnolo cofia Italiano cuffiétta Tedesco Häubchen.

capiàbi , nm: capiale, capiali Definizione genia de careta, mescamente de pipios ma fintzes in costúmenes de fémina; parte de sa mola?; tira de pedhe de pegus de bulu chi si ponet in mesu tra s'ajone e sa crabiga; nau de unu, chi est tocau a conca, chi portat cerbedhera pagu giusta, chi est pagu sériu Sinonimi e contrari cabbúsciu, careta / allabentinau, capiola, pretocau 2. capiale macu, ite ndhe as a ischire de ite cosa est zustu e ite dortu si fintzas oe duos ti ndhe as mortu e bogas lezes pro che los bochire! ◊ bellu capiali est, cussu!… 3. chi mi ndi andat su capiali ndi tussit cantu m'ispetat, e si mi apretat mi pagat po totu s'annu! Cognomi e Proverbi smb: Capiali, Cappiali Etimo itl. capo Traduzioni Francese bonnet Inglese bonnet Spagnolo cofia Italiano cuffiétta Tedesco kleine Haube.

carèta , nf Definizione cambuscedhu, genia de cugudhu de pònnere in conca, siat po pipiedhu siat po gente manna (costúmene, infermiera) Sinonimi e contrari cabbúsciu, cabiscione, cambussinu / iscófia Modi di dire csn: prànghere in careta a unu = ?; no fidare su batu in careta = no dare fide Frasi cantu linu pro telos e caretas l'at già filadu sa ruca de canna! ◊ s'infermiera no poniat mancu careta e sos pilos li pendhiant longos in palas 2. bi est su tantu de mi prànghere in careta! ◊ non ti tia fidare mancu su batu in careta, a tie! Cognomi e Proverbi smb: Caretta Terminologia scientifica bst Etimo ctl., spn. careta Traduzioni Francese bonnet Inglese cap Spagnolo cofia Italiano cùffia Tedesco Kappe.

cicía , nf: gigia, tzitzia 2, zizia 2 Definizione bonete cun sa visiera; genia de bonetedhu tundhu de pònnere in sa sedha de cúcuru: dhue ndh'at una calidade chi portat sa pubúntzula pendhendho Sinonimi e contrari bonete, iscia, mitrola / cdh., ttrs. sciscia Frasi si lis mustras un'àinu in cicia no distinghent sa conca de sa coa! ◊ a bortas bi amus síndhigu in cicia, a bortas síndhigu in capellu (Sassu) Terminologia scientifica bst Etimo itl. cicìa Traduzioni Francese bonnet, calotte Inglese biretta Spagnolo bonete con visera Italiano berrétta, papalina Tedesco Mütze, Barett.

cúfia , nf Definizione genia de trastu chi si ponet po ammontare totu sa conca; aparíciu chi arricit calecunu singiale e chi si ponet in origas po ascurtare méngius Sinonimi e contrari careta Terminologia scientifica bst Traduzioni Francese coiffe, bonnet Inglese cap, headphone Spagnolo cofia Italiano cùffia Tedesco Mütze.

«« Cerca di nuovo