Ditzionàriu in línia
de sa limba e de sa cultura sarda

bajócu , agt: bajoncu Definizione chi est a una lúmina, a un'ogu (e a logos fintzes lértzinu, a ogos trotos) Sinonimi e contrari bisogru, cadrogu, mancioglu Frasi si no mi creis, intzandus ses surdu e bajocu! ◊ e ita ses, istronada o bajoca: no dhu bis ca no nc'est nisciunus?! Cognomi e Proverbi smb: Baioccu Traduzioni Francese borgne Inglese one-eyed Spagnolo tuerto Italiano monòcolo Tedesco einäugig.

bisógru, bisógu, bisóju , agt, nm Definizione chi est a una lúmina, a un'ogu; tzurpu e istramu Sinonimi e contrari bajocu, cadrogu, mancioglu / làmpinu Frasi no dhu bit chi est giai pesau, o bisogu est, fatu a dotori?! Etimo spn. bisojo Traduzioni Francese borgne Inglese monocle Spagnolo tuerto Italiano monòcolo Tedesco einäugig, Einäugige.

cadrógu , agt, nm: cardogu, cordogu, crodocu Definizione chi est a una lúmina, a un'ogu; tzurpu e istramu / allirgu che cuadhu c. = pagu puru!…, allegru própiu nudha Sinonimi e contrari bajocu, bisogru, mancioglu Frasi fillu solu, est tzurpu o est cardogu ◊ ia a bolli isciri ita at iscritu cussu cordogu de dotori! ◊ seu che cadrogu chi bandat aprapendu Traduzioni Francese borgne Inglese monocle Spagnolo monóculo Italiano monòcolo Tedesco einäugig, Einäugige.