Legenda Abbreviazioni | Legenda Simboli

castagnàrza , nf, nm: castanàgliu, castanàrgiu, castanarju, castanarzu, castangiàrgiu, castannanzu, castannarju, castannarzu, castanzàlgiu, castanzarzu, castenàgliu, castennàgliu, castennalzu, castennàrgiu, castennarzu, catannàgiu, costennàrgiu Definizione castannanzu mannu, iscoba màsciu, o màscina, e fintzes iscoba fémina: duas calidades de linna chi no faent tanti mannas, ma a cotzina grussa, bona po crabone e a fàere pipas, cun sa fògia pitichedhedha Sinonimi e contrari cantentarzu, ghidhostra, idhostra, salina 1, salinavémina, sechintrese, túfera Frasi rios e rosas intritziant tramas ismeraldinas de chercos e suèglios, lidones e castennàglios, ghiníperos e chessa Terminologia scientifica mt, Erica arborea, E. scoparia Etimo srd. Traduzioni Francese bruyère Inglese heather Spagnolo brezo Italiano èrica da ciòcco, scópa gentile Tedesco Besenkraut.

framíu, fràmiu , nm: frammiu, fràmmia, fràmmiu, frumiu Definizione iscoba fémina, genia de linna chi abbarrat a tupa, a fògia finevine, minuda, fioredhu piticu biancu: faet un’arraighina grussa bona po fàere pipas e carbone; framiu dhu narant fintzes a css. linnighedha fine po allumiare fogu o inchèndhere su forru, e frumiu po ogiastedhu bàsciu Sinonimi e contrari cantentarzu, castagnarza, ghidhostra, idhostra, salina 1, túfera Frasi de s'arraegina de su fràmmiu faent is pipas Terminologia scientifica mt, Erica scoparia Etimo ltn. flammeus Traduzioni Francese bruyère Inglese heather Spagnolo brezo de escobas Italiano scópa gentile Tedesco Besenkraut.

ghidhòstra, ghidhòstre, ghidhóstru , nf, nm: chidhostre Definizione iscoba màsciu, o màscina, genia de linna chi no faet tanti manna, ma a cotzina grussa, bona po crabone e a fàere pipas, cun sa fògia minudedhedha e unu frorighedhu biancu minudedhedhu e cracu cracu Sinonimi e contrari cantentarzu, castagnarza, idhostra, obiostri, salinavémina, sechintrese, túfera Frasi foresta d'élighe, de ghidhostre e de lidone Terminologia scientifica mt, Erica arborea Etimo srdn. Traduzioni Francese bruyère Inglese heather Spagnolo brezo Italiano èrica Tedesco Baumheide.

iscobalzòla , nf: iscobarzola, iscoparzola Definizione iscova de argiola: genia de iscova fata cun naes de sida fine acapiadas impare po mundhare fora de domo e prus che àteru àliga grussa (es. sa pàgia de su muntone de su trigu, s'àliga de is orrugas) Sinonimi e contrari frascone, frutuosa, scovàciu Frasi a ndhe at de aju mundhendhe sa frommija cun s'iscobarzola pro no che li leare su trigu!…◊ sos mundhadores de s'impresa mundhant a iscobarzola in tzitade Etimo srd. Traduzioni Francese balai de bruyère Inglese broom Spagnolo escobón, balea Italiano ramazza Tedesco Reisigbesen.

salína 1 , nf Definizione una calidade de ghidhostre Sinonimi e contrari framiu Terminologia scientifica mt, Erica scoparia Traduzioni Francese bruyère Inglese heather Spagnolo brezo, escobilla Italiano scópa gentile Tedesco Besenkraut.

túfera , nf: túvara, túvera, túvura Definizione iscoba màsciu, màscina o túvara bera, iscoba fémina o vera e fintzes iscova burda, tres calidades de sa matessi linna chi faet fògia pitichedhedha, frore biancu, arraighina bona po fàere pipas e pitica coment'e mata, prus che àteru a tupa / túvara vitània = napu o fintzes tapu tamburru, genia de erba chi narant fintzes patata americana (benit de s'América: nms. Helianthus tuberosus), faet unu cambu finedhedhu e longu meda e in s'arraighina faet una genia de nodos mannos e longos, una patata, ma prus tostada e druche, a pigiolu orrubiastu; túvera a logos est una genia de codrolinu chi faet asuta de terra a bisura de patata: itl. tartufo Sinonimi e contrari cantentarzu, castagnarza, ghidhostra, idhostra, lòstiri, salina 1, scovitzi Frasi custa tanca est prena de ozastros, de túvera e de lidone ◊ curres a ispantu tra túveras e chercos poderosos e castanzas e ílighes Terminologia scientifica mt, Erica scoparia, E. terminalis Traduzioni Francese bruyère Inglese heather Spagnolo brezo Italiano èrica da ciòcco, scópa gentile Tedesco Besenkraut.

«« Cerca di nuovo