Legenda Abbreviazioni | Legenda Simboli

brunchíle , nm: bruncile, bruncili Definizione incropada o lobu de fune in su bruncu (a pitzu de su nasu) betau a un'animale (àinu, cuadhu) po dhu poderare e ghiare Sinonimi e contrari cabitza, cavessa, crabistu, doga 1, dogale, froncile, murrabi, runchile / cdh. brunchili, ttrs. brunchiri Frasi essiat gai dae su cortile semper imperriau su molente, ma apenas bidiat su pendhente bizarru diventabat su parile: inútile a tirare su brunchile! Etimo srd. Traduzioni Francese licou, licol Inglese halter Spagnolo cabestro Italiano cavézza Tedesco Halfter.

crabístu , nm: crapistu Definizione genia de murrale po pigare s'animale (àinu, cuadhu) a fune a tira / giúghere a crabistu e a isprone a unu = pigaidhu a funi, coment'e unu molenti de dhi depi nàrriri totu Sinonimi e contrari brunchile, cabitza, cavessa, doga 1, dogale, murrabi / cdh. capristu Frasi ponide a sos puntíglios su crabistu pro ch'in paghe torredes! ◊ a funi e a crabistu ti pòngiant! ◊ dh'eus postu su crabistu, a su muentedhu nostu puru, e dh'eus portau a curri Etimo ltn. capistrum Traduzioni Francese licou Inglese halter Spagnolo cabestro Italiano cavézza Tedesco Zaum.

dogàle , nm: ducale, dugale, dugali Definizione lobu de fune chi si ponet a su tzugu de is animales po dhos pigare; su lobu de sa fune de impicare; pagamentu grae; àteru? / pònniri a ccn. su dugali in su tzugu = leàrelu a fune, zúgherelu a cumandhu, leàrelu a bula Sinonimi e contrari brunchile, cabitza, cannoitu, cavessa, crabistu, doga 1, murrabi / pagamenta Frasi cadhu furianu, ducale cursu! 2. su dugali est preparadu chi ti potzas impicari! ◊ li ant aparitzadu sa furca cun su dugale pro l'impicare 3. una luche tesset prendhas chi ispóssiant e crompit milli dugales Etimo spn. Traduzioni Francese licou Inglese halter Spagnolo dogal Italiano capèstro Tedesco Strick, Strang.

murràbi , nm: murrale, murrali, murriale Definizione inghiriada o lobu de fune a murros po pigare a tira un'animale (àinu, cuadhu); ispétzia de crabistu chi si ponet a is canes bestiu in murros po no mossigare Sinonimi e contrari brunchile, cabitza, cavessa, crabistu, doga 1, dogale, musale, musone / musarola Frasi no mi ant a ponni mancu su murrali issus, no! ◊ bollu curri in is montis e in is ceas, sena de bendas, ne murralis ne trobeas ◊ gighet s'àinu sempre a camu e a murrale Cognomi e Proverbi smb: Murrali Etimo srd. Traduzioni Francese licou, licol, bride, muserolle Inglese halter Spagnolo cabestro Italiano cavézza Tedesco Halfter.

«« Cerca di nuovo