Legenda Abbreviazioni | Legenda Simboli

disintónu , nm Definizione su no torrare apare o a tonu de sa boghe, cantandho; su èssere diferentes, su iscumpàrrere de una cosa posta apare cun calecun’àtera, su no èssere de acórdiu Sinonimi e contrari distonu, istonadura, stonadura / disacórdiu Etimo spn. desentono Traduzioni Francese fausse note, dissonance Inglese dissonance, wrong note Spagnolo desafinamiento, discordancia Italiano stonatura, dissonanza Tedesco Falschsingen, Nichtübereinstimmung.

istonadúra , nf Definizione su no èssere a tonu o cuncordos Sinonimi e contrari disintonu, distonu Traduzioni Francese fausse note Inglese wrong note Spagnolo desafinación Italiano stonatura Tedesco Detonieren.

nòda , nf: nota Definizione sonu e sinnu po sa grussària o finesa chi podet tènnere su sonu, de unu a sete comente s'isterrent in s'erriga musicale (do, re, mi, fa, sol, la, si): segundhu sa 'figura' arrapresentant sa durada diferente de su sonu; su pl. fintzes is istampos de is launedhas / pigai is nodas de ccn. = chircare de assemizare a ccn. Frasi unu càntigu prus surdu e prus addasiau si ammódhiat, s'istudat: sceti una noda tremit ancora ◊ lassàdemi a gosare sas notas de sa música chi illébiat s'ànima! ◊ a noda de mediana su sulitu in cuncórdiu sonasta Etimo ltn. nota Traduzioni Francese note Inglese note Spagnolo nota Italiano nota Tedesco Note.

vótu , nm: botu 2 Definizione in demogratzia, singiale coment'e una crughe chi s'iscriet in s'ischeda po isceberare is candhidaos, singiale de sa volontade e decisione de s'eletore po ischire a chie bolet; su pàrrere de unu nau inue si decidet una chistione; su chi s'impromitit a unu Santu po ccn. gràtzia chi si pedit o chi si alcantzat; càrculu chi maistos e maistas faent de unu cómpitu singialau cun d-unu númeru o àteru po inditare si e cantu est fatu bene, o su méritu po àere istudiau Sinonimi e contrari promissa Modi di dire csn: betare v. in d-una chistione = donai votu, nàrriri su chi unu ndi creit, decídiri impari cun is àterus; fàghere v. = ispétzia de giuramentu, pigai un'impegnu cun grandu firmesa; passare una proposta in votos = votare, fàghere votare un'assemblea, un'organísimu colletivu pro leare una detzisione Frasi su votu balit sempri, fintzas candu non si bincit! ◊ su votu demogràticu depit èssiri oguali, personali, líbberu e segretu ◊ candhidadu za si est, ma in cussu partidu deo de votu no ndhe li dao! ◊ no cumprendho chi un'isaliadu e mesu matracheri mi domandhet su votu pro esser deputadu o cussizeri! 2. apu trunfas e písonas connotu sonendu a Sant'Antoni e poberitus andendu a peis nudus po unu votu (L.Contu)◊ pro chitire unu votu fit tucadu su cras manzanu a Santa Margaida ◊ margiani iat fatu votu de fai unu conillu: candu at fatu unu fillu fiat margiani etotu! 3. pro su santu dinari de calicunu ant fatu votu de nos istrassiare! ◊ fiat votu fatu, cussu: candu calàt a bidha s'imbriagàt! ◊ no as cumpriu su votu giurau 4. sa maista no dhi at donau votu bellu a sa pipia ◊ sa pisedha in iscola l'ant aprovada sempre a votos mannos Etimo itl. Traduzioni Francese vote, ex-voto, note Inglese vote Spagnolo voto Italiano vóto Tedesco Stimme, Gelübde.

«« Cerca di nuovo